कात्तिक २०,२०८० गुल्मीः गुल्मीमा किराना पसलमा आगलागी हुँदा ३५ लाखको क्षती भएको छ ।
जिल्लाको गुल्मीदरवार गाउँपालिका वडा नम्वर ७ चारपालामा टोपबहादुर बस्नेतको किराना पसलमा आगलागी हुँदा दुई वटा मोटरसाइकल सहित करिब ३५ लाख रुपैयाँ बराबरको क्षती भएको जिल्ला प्रहरी कार्यालय गुल्मीले जनाएको छ ।
पसलमा एक्कासी आगलागी हुँदा जस्ताले छाएको दुई तले कच्ची घरसहित पार्किङ गरेर राखेका पल्सर मोटरसाइकल, हिरो होण्डाको मोटरसाइकल जलेर पूर्ण रुपमा क्षती भएको छ । यस्तै नगद दुई लाख रुपैयाँ ,तीन तोला जतिको गरगहना लगायत खाद्यन्न ,लत्ता कपडा जलेर नष्ट भएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।
आगोलाई स्थानीयको सहयोगमा दमकल र प्रहरीले नियन्त्रणमा लिएको छ ।
