कात्तिक २,२०८० गुल्मीः गुल्मीमा कच्ची सडक सफा गर्ने क्रममा डोजरले ठक्कर दिँदा ९२ वर्षीय वृद्धको मृत्यु भएको छ ।
जिल्लाको रेसुंगा नगरपालिका वडा नम्वर १४ मा तम्घास देखी पराल्मी जाने कच्ची सडक मर्मत गरीरहेको लु १ क ५०२४ नम्वरको डोजरले ठक्कर दिँदा स्थानीय ९२ वर्षीय कृष्णबहादुर सुनारको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।
स्थलगत मुचुल्का तयार गरी मृतकको शवलाई गुल्मी अस्पतालमा पोष्टमार्टमका ल्याइएको छ । बिहीबार शबको पोष्टमार्टम गरी आफन्तको जिम्मा लगाइने र डोजर चालक प्रहरीको नियन्त्रणमा रहेको पाण्डेले बताए । घटनाको बारेमा थप अनसन्धान जारी रहेको जिल्ला प्रहरी कार्यालय गुल्मीले जनाएको छ ।
