असोज २४,२०८० बाँके : बाँके जिल्लाको जानकी गाउँपालिका २ बन्जाडेगाउँबाट सशस्त्र प्रहरीले करिब ११ लाख ७३ हजार रुपैयाँ बराबरको चोरीपैठारीको विभिन्न सामानसहित तीन वटा मोटरसाइकल नियन्त्रणमा लिएको छ।
भारतबाट अवैधरुपले तीन वटा मोटरसाइकलमा राखी नेपालतर्फ ल्याउँदै गरेको उल्लेखित मूल्यको लत्ताकपडा, पर्दा, खाद्यान्य तथा किराना सामान नम्बर ३० बागेश्वरी गण बाँकेले नियन्त्रणमा लिएको हो।
सामान ल्याउने व्यक्ति भने गस्तीमा रहेको सुरक्षा फौजलाई टाढैबाट देख्नासाथै मोटरसाईकल र सामान छाडी फरार भएका थिए। बरामद सामान तथा मोटरसाइकल नेपालगञ्ज भन्सार कार्यालय जमुनाह बाँकेमा बुझाइएको छ।
