असोज १८,२०८०काठमाडौँ : नेकपा एमालेका अध्यक्ष केपी शर्मा ओलीले सुन गाल्ने पाँचवटा भाँडा राखेर बस्ने पार्टी एमाले नभएको बताएका छन्। उनले नेकपा माओवादी केन्द्रप्रति लक्षित गर्दै उक्त भनाई राखेका हुन्।
बिहीवार पार्टी कार्यालय च्यासलमा नेकपा एमालेको वागमती प्रदेशको शपथग्रहण तथा कार्यभार हस्तान्तरण समारोहलाई सम्बोधन गर्दै उनले यस्तो बताएका हुन्।
उनले भने, ‘हामी सार्वजनिक सम्पत्ति छलछाम गरेर खल्तीमा हाल्ने नीतिमा कहिल्यै लागेनौँ। सुन तस्करी गर्ने र सुन गाल्ने पाँचवटा भाँडा राखेर बस्ने खालको पार्टी होइन। हामी देश बनाउने पार्टी हो।’
उनले आफूले बुधवार संसदमा बोलेको कुरालाई लिएर विपक्षीहरूको मन भतभती पोलिरहेको बताए। उनले एमालेको विरोध गर्न गिरिबन्धु टी स्टेट भने पनि गिरिबन्धु टी स्टेटको छानबिन गर्न चुनौती दिए। उनले कुनै पनि प्रकरणको छानबिन गर्दा सत्तापक्षकै नेताहरू मुछिने दाबी गरे।थाहाबाट
