अनिल खत्री
भदौ२४,२०८० गुल्मी :गुल्मी जिल्ला सदरमुकाम तम्घासमा भुस्याह कुकुरले आतंक मच्चाएको छ । आइतबार सदरमुकाम तम्घासमा एकै दिनमा १० जनालाई कुकुरले टोकेको छ ।
जसले गर्दा तम्घास बजार अहिले भुस्याहा कुकुरका कारण आतंकित बन्न पुगेको छ । आइतबार बिहान महेन्द्र नमुना माबिका विद्यार्थीहरुको पिटि चलिरहेको बेला कुकुर भित्र पदेर कक्षा २ का ८ बर्षिया सन्जु बिकलाई टोक्यो ।
उनलाई जोगाउन पुगेकी शिक्षिका भगवता पाण्डेलाई पनि टोक्यो । अर्घाखाँची जिपपार्कमा घर भित्र पसेर १७ बर्षिय निशान खनाललाई टोक्यो ।
जिल्ला प्रशासन अगाडि २७ बर्षिया चुरा बहादुर खत्रीलाई मोटरसाइकल चाढ्न लागेको बेला टोक्यो । सिमलटारीबाट तम्घास आएका ७० बर्षिय दुर्गा बहादुर सुनारलाई क्याम्पस रोडमा टोक्यो ।
अमरपुर घर भइ सिद्धबाबा माविमा पढ्ने ७ बर्षिय वसन्त रानालाई पनि टोकेर घाईते बनाएको छ । एउटै कुकुरले केहि समयमै कुकुरले टोकेर घाईते बनाए पछि प्रहरीले कुकुर खोज्न प्रहरी परिचालन गरिएको जिल्ला प्रहरी कार्यालय गुल्मीका प्रहरी उपरीक्षक ९एसपी० नवीन किशोर प्रधानले बताए ।
आइताबार अपरान्नसम्म कुकुरले टोकेका १० जना गुल्मी अस्पतालमा खोप लगाउन पुगेको गुल्मी अस्पतालका स्वास्थ्यकर्मी रमेश पन्थीले बताए । कुकुरले टोकेकालाई रेबिज बिरुद्धको खोप लगाउनु पर्छ ।
तर गुल्मी अस्पतालमा रेबिज बिरुद्धको खोप पनि अभाव रहेको अस्पतालले जनाएको छ । तम्घास बजारका सडक, चोक र गल्लीहरुमा भुस्याहा कुकुरको विगविगी छ ।
तर पनि यसको नियन्त्रणको लागी पछिल्लो समय कुनै प्रयास भएको छैन् । यत्रतत्र रहेका भुस्याह कुकुरको उचित ब्यवस्थापन गर्न कुनै पनि निकायले ध्यान दिएको पाइदैन् ।
तम्घास बजारको मुख्य बजारसहित गल्ली गल्लीमा राती भुस्याह कुकुरका कारण हिड्नै समस्या हुने गरेको स्थानीयहरुले गुनासो गर्छन । भुस्याहा कुकुरले टोक्ने, केटाकेटी बुढाबुढीहरुलाई लखेट्ने गरेका घटना दिनहुँ बृद्धि हुँदै गएका छन् ।
सडकमा अलपत्र छाडिएका कुकुरले सडकमै छाउराछाउरी जन्माउने र ती छाउराछाउरी सडकमै हुर्कने क्रम बढ्दो छ । नगर क्षेत्रका खालि जमिन, सडक, चोक र गल्लीहरुमा दर्जनौँ कुकुरको ताँती नै लाग्छ ।
बेवारिसे कुकुरबाट राति हिँड्ने पैदलयात्री तथा मोटरसाइकल चालक सबैभन्दा बढी पीडित हुने गरेका छन् ।
