१७ किलो सुकुटीसहित तीनजना पक्राउ

0
85

साउन १५,२०८०दाङ : प्रहरीले १७ किलो चित्तलको सुकुटीसहित तीनजनालाई पक्राउ गरेको छ। लमही नगरपालिका ६ बस्ने ४५ वर्षीय नुरबहादुर कुमाल, गढवा गाउँपालिका ६ बस्ने ३० वर्षीय मनोज थापामगर र ३१ वर्षीय करण केसी पक्राउ परेको जिल्ला प्रहरी कार्यालय दाङले जनाएको छ।

आइतबार अपराह्न साढे ५ बजेतिर घोराही उपमहानगरपालिका ३ कुइरेपानी स्थित जंगलमा प्रहरी चौकी गोग्लीबाट खटिएको प्रहरीले चाँज गर्ने क्रममा उनीहरू पक्राउ परेको जिल्ला प्रहरी कार्यालय दाङका प्रवक्ता एवं डीएसपी राजनकुमार गौतमले जानकारी दिए।

लमहीदेखि घोराहीतर्फ आउँदै गरेको रा २ प ६१९५ नम्बरको मोटरसाइकल बा ९१ प ११०७ नम्बरको मोटरसाइकलमा जाँच गर्ने क्रममा बा ९१ प ११०७ नम्बरको पछाडि सवार केसीले बोकेको झोलामा १७ किलो चित्तलको सुकुटी फेला परेको थियो।

उनीहरूलाई कारबाहीका लागि डिभिजन वन कार्यालय घोराही दाङमा बुझाएको प्रहरीले जनाएको छ।

SHARE