साउन १२,२०८० गुल्मीःगुल्मी जिल्लाको चन्द्रकोट गाउँपालिकाले झुलेनी पर्यटन क्षेत्र तथा चिया संरक्षण तथा व्यवस्थापन समितिले चियाका बिरुवा रोपण गरेको छ ।
झुलेनी पर्यटन क्षेत्रमा सौन्दर्यीकरण अभिवृद्धि गरि आन्तरीक तथा बाह्य पर्यटक भित्राउने उद्देश्यले वडा नम्बर ५ ग्वाघामा चियाका बिरुवा रोपण गरिएको हो ।
समुन्दी सतह देखि करिब १४ सय मिटर अग्लो स्थानमा चियाको सम्भावता अध्ययनका लागी समेत सहयोग पुग्ने छ । गाउँपालिकामै चियाको पाईलट प्रोजेक्टका रूपमा यस क्षेत्रमा करिब ५ सयभन्दा बढी चियाका बिरुवा रोपिएको हो ।
चिया तथा कफि विकास बोर्डको सुझाव बमोजिम उचाइमा हुने अर्थोडक्स प्रजातिको चियाका बिरुवा रोपिएको चन्द्रकोट गाउँपालिका अध्यक्ष युवराज केसीले बताउनुभयो । उहाँले प्राविधिकले भने अनुसार परिक्षणका लागी चियाका बिरुवा रोपण गरी राम्रो भए थप क्षेत्रमा बिस्तार गरिने बताउनुभयो ।
व्यवसायिक तथा सौन्दर्य वृद्धि हुनाले यो नवीनतम कार्यको सुरुवात गरिएको बताउनुभयो । बिरुवा रोपेरा मात्र नहुने भएकाले त्यसको संरक्षण तथा हेरचाह गर्न पनि आवश्यक रहेकोले निरन्तर रुपमा गाउँपालिकाले साथ दिने र स्थानीयले पनि संरक्षणमा हातेमालो गरेर अगाडी बढ्ने गाउँपालिका उपाध्यक्ष बिष्णुप्रसाद भण्डारीले बताउनुभयो ।
