तिलाचन पाण्डे
असार २२,२०८०गुल्मीः नेपाली काँग्रेसका सह महामन्त्री बद्री पाण्डेले देशका युगान्तकारी परिवर्तनहरु काँग्रेसको नेतृत्वमा भएको दाबी गरेका छन् ।
नेपाली काँग्रेस रेसुङगा नगर कार्यसमितिको दोस्रो नगर सम्मेलनको उद्घाटन गर्दै पाण्डेले काँग्रेसको नेतृत्वमा मात्रै देशका युगान्तकारी परिवर्तन भएको दाबी गर्दै काँग्रेसनै परिवर्तनको मुख्य नायक भएको , नेकपा माओबादीलाई शान्ती प्रक्रियामा ल्याउने कार्यमा काँग्रेसको भूमिका रहेको , नेपालको संबिधान जारी गर्दा पनि काँग्रेसको भूमिका र नेतृत्व मूख्य भएको उनको दाबी छ ।
२०८४ सालको संघिय निर्वाचनमा कसैको बैशाखी नटेकी स्पस्ट बहुमत ल्याउने दाबी गरेका छन् । आगामी संघिय निर्वाचनमा कसैको बैशाखी नटेकी काँग्रेसले स्पस्ट बहुमत ल्याउने गरी लाग्नुपर्ने भन्दै सोही अनुसार तयारी गर्नुपर्नेमा जोड दिए ।
यस्तै सोही कार्यक्रममा पाण्डेले काँग्रेस भित्रको कार्यशैलीमा परिवर्तन आउनुपनि जरुरी रहेको बताए । पहिले सबै आफूभित्रबाट बदलिन र सुधारिन आवश्यक रहेको भन्दै यसमा पार्टी सभापतिदेखि सबै कार्यकर्ताहरु सुधारिनुपर्नेमा जोड दिए ।
पहिले भन्दा पछिल्लो समयमा काँग्रेस कमजोर हुँदै गएको भन्दै यसमा पार्टीभित्र गम्भीर रुपमा छलफल हुनु आवश्यक रहेको बताए ।आगामी बैठकमा यस विषयमा पनि गम्भीर रुपमा छलफल हुने भन्दै काँग्रेस सुधारको बाटोमा जानु आवश्यक रहेको उनको भनाई छ ।
नगरले आगामी दिनका योजना र रणनीति सहितको नगर घोषण पत्र जारी गर्ने नगर सभापति जयश्वर पन्थीले जानकारी दिए ।
