तिलाचन पाण्डे
जेठ ६,२०८० गुल्मी : भेटेरिनरी अस्पताल तथा पशुसेवा विज्ञ केन्द्र गुल्मीले स्थानीय तहसंग योजना तर्जुमा तथा समिक्षा बैठक सम्पन्न गरेको छ ।
कार्यालयले शुक्रबार जिल्ला समन्वय समिति गुल्मीको सभाहलमा सम्पादन भएका कार्यहरुको समिक्षा तथा आगामी आर्थिक वर्षमा हुने कार्यहरुको योजना तर्जुमा गरिएको हो ।
कार्यक्रममा स्थानीय तहका प्रमुख : उपप्रमुख ,अध्यक्ष ,उपाध्यक्षहरुले सुझाब तथा जिज्ञासा राख्नुभएको थियो ।
कार्यक्रममा पशुहरुमा देखिने लम्की स्किन रोगको बारेमा जिल्ल्लाको हालको अवस्था र आगामी दिनमा रोग नियन्त्रणका लागि गर्नुपर्ने कार्यहरुको बारेमा समेत छलफल भएको हो ।
जिल्ला समन्वय समिति गुल्मीका प्रमुख दोर्ण खत्रीको कार्यालयबाट सम्पादित हुने कार्यहरु नागरिक मैत्री ,सहज र सरल रुपमा प्रवाह हुनुपर्नेमा जोड दिनुभयो ।
कार्यक्रममा जिल्ला समन्वय समिति गुल्मीका उपप्रमुख तेजिन्द्र सलामी, रेसुंगा नगरपालिकाका नगरप्रमुख खिलध्वज पन्थी , स्थानीय तहका प्रमुख :उपप्रमुख ,अध्यक्ष : उपाध्यक्षहरु ,प्रमुख जिल्ला अधिकारी सागरमणी पाठक ,सुरक्षा निकायका प्रमुखहरु सरोकारवालाहरुको उपस्थिति रहेको थियो ।
विज्ञ केन्द्रका डाक्टर भरत काफलेको अध्यक्षतामा भएको कार्यक्रमको संचालन मदन भण्डारीले गर्नु भएको थियो ।
