सुशीला रेग्मी
चैत १८,२०७९ पाल्पाः महिला कानुनी अधिकार सम्बन्धी सचेतनामुलक कार्यक्रम रामपुर पाल्पामा भएको छ । रामपुर नगरपालिकाको आयोजनामा नगरपालिकाभित्रका महिला जनप्रतिनिधि, अगुवा महिला, एकल महिलालाई लक्षित गरी सामाजिक विकास समिति संयोजक सिमादेवी रानाको अध्यक्षतामा कार्यक्रम भएको हो ।
नगरपालिकाका प्रमुख प्रशासकीय अधिकृत लेखनाथ न्यौपानेले हाम्रा नीति, कानुन कार्यान्वयनको पुर्ण पालना भएमा समाज सम्पन्न हुने बताउनुहुदै घरेलु हिंसा, महिला हिंसा कम हुने बताउनुभएको छ । आफ्नो हकहित र अधिकारका लागि आफैलाई जानकारी नहुदा समाज, घरपरिवारमा पिल्सिएर शोषित भएर बस्नु परेको हुदा अब यसरी दबिएर बस्ने होइन कानुनी प्रावधान र अधिकार, समानता र समताका बारेमा सचेत हुनुपर्ने प्रमुख प्रशासकीय अधिकृत न्यौपानेले बताउनुभएको छ ।
कार्यक्रमको सहजिकरण सहजकर्ता लैंगिक समानता तथा सामाजिक समावेशीकरण विज्ञ अनिल खनालले गर्नुभएको हो । सहजकर्ता खनालले महिला कानुनी अधिकार, घरेलुु हिंसा, सम्बन्धविच्छेद, बाल अधिकार, बालविवाह, यौन हिंसा लगायतका विषयमा सहजिकरण गर्नुभएको छ ।
कार्यक्रमको संचालन महिला तथा बालबालिका शाखा प्रमुख पुजा परियारले गर्नुभएको हो । कार्यक्रममा ५२ जनाको सहभागीता रहेको थियोे ।
