दिवाकर पोख्रेल
देउखुरी, चैत १८ गते : लुम्बिनी प्रदेशको राजधानी क्षेत्र दाङ देउखुरीका व्यवसायीले ब्यपार तहसनहस भएको भन्दै नेपाली अर्थतन्त्रलाई तत्काल सुधार आवश्यक रहेको बताएका छन् ।
उत्पादन क्षेत्र देखि उपभोगसम्म आाँदा हरेक क्षेत्रमा ब्यपारमा सन्तोष गर्ने ठाउँ नरहेकोले तीनतहकै सरकारले यस्लाई गम्भिर रुपमा लिनुपर्ने सुझाव व्यवसायीको छ । देउखुरी क्षेत्रको भारतीय बजारसंग जोडिएको खुला सिमानाको प्रभावले स्थानीय व्यपारमा नकरात्मक असर परेको ब्यपारीहरु बताउँछन ।
दाङको लमही नगपालिका लमहीमा कपडा व्यवसाय गर्दै आउनु भएका व्यवसायी शिवशंकर गुप्ताले सरकारले भन्सार नियन्त्रणमा सक्रियता देखाउनुपर्ने बताउनुभयो । उहाँले भन्नुभयो, ‘भारतीय बजारमा जाने उपभोक्ताले चिनिीको मुल्यमा केन्द्रित हुनुहुन्छ,अन्य सामान खरिद गर्दा ठगिनुहुन्छ,यस्ले उपभोक्ता र व्यवसायी दुबैलाई बेफाइदा भएको छ ।’
लमही नगरपालिका वडा नम्बर ३ का किसान लेलिन बन्जाडेले किसानको उत्पादन गर्नको लागि लगानी बढेको भएपनि बजार नपाउने समस्या रहेको बताउनुभयो । अर्का कृर्षी व्यवसायी वसन्तराज शर्मा आत्म निर्भरतालाई जोड दिएर सबै उत्पादनको क्षेत्रमा जोडिनुपर्ने धारणा राख्नुभयो । लमही नगरपालिका पूर्व नगर प्रम्ुख कुलवहादुर केसीले उत्पादन क्षेत्रमा अव्यवस्थित बसोवास बढाएर मासिदै गएको प्रति चिन्त व्यक्त गर्नुभयो । यूवा व्यवसायी रविन केसीले सरकारले अनुदानको सट्टा सिप र क्षमता बढाउने तर्फ केन्द्रित हुन आग्रह गर्नुभयो ।
स्थानइि सरकारले वजनप्रतिनिधीले मूलुकमा देखिएको अर्थतन्त्रको खस्कदो अवस्थाको लाई हल गर्न सबैको सहयोग आवश्यक रहेको बताउनुभयो । लमही नगरपालिका वडा नम्बर ५ का अध्यक्ष ओम प्रसाद सुवेदीले केहि समयको लागि विदेश भ्रमण जाने कार्यक्रमलाई स्थगित गरेर स्थानीय स्तरकै पर्यटकिय स्थलको प्रचारमुखी काममा सघाउन आग्रह गर्नुभयो । लमही नगरपालिकाका नगर प्रमुख जोगरज चौधरीले जनतामा जनप्रतिनिधी नकरातमक धारणा पलाएको भन्दै शुसासन,अम्बल आर्थिक नीति अपनाउन आवश्यक रहेको बताउनुभयो । उहाँले भन्नुभयो, ‘भष्ट्राचर हुनै नदिनेगरी काम गरौ सकरात्मक सोँचका साथ काम गरौ अवस्थामा सुधार हुन्ज्छ ।’
देउखुरी उद्योग बाणिज्य संघले आयोजना गरेको आर्थिक क्षेत्रमा देखिएको तरलता समाधानको सुझाव संकलन कार्यक्रममा नेपाल उद्योग बाणिज्य संघ लुम्बिनी प्रदेशका अध्यक्ष कृष्ण प्रसाद शर्माले व्यवासाय थला परेको भएपनि नीजी क्षेत्र देशमा देखिएको आर्थिक संकट समाधानको लागि लागि परेको दाबी गर्नुभयो ।
अब आर्थिक क्षेत्रमा देखिएका समस्या हल गर्नका स्थानीय स्तरमा बहस आवश्यक रहेको प्रत्येक स्थानीय सरकारले आफ्नो तर्फबाट सकरात्मक पहल थाल्नुपर्ने आग्रह उहाँले गर्नुभयो । राजनीतिक अस्थिरताका कारण व्यवसायमा नकरात्मक असर देखिएको उहाँले बताउनुभयो । उहाँले भन्नुभयो, ‘अब स्थानीय व्यवसायी मर्कामा परे भनेर स्थानीय सरकारले अपनत्व लिएर सबै सरोकारवाला विच छलफल चलाउन आवश्यक छ,यस्को लागि नजी क्षेत्रले सहयोग गर्छ ।’ देउखुरी उद्योग बाणिज्य संघका अध्यक्ष खगेश्र खनालले व्यवसायीलाई लगानी मैत्री बाताबरण सिर्जना गरेर,भारतीय बजारबाट अबैध आअर्यात रोक्न पहल थाल्नुपर्ने बताउनुभयो ।
