चैत१०,२०७९ गुल्मी : कृषि ज्ञान केन्द्र गुल्मीको आयोजनमा आर्थिक वर्ष २०८०÷०८१ को योजना तर्जुमा तथा स्मार्ट कषि गाउँ कार्यक्रमको समिक्षा गोष्ठी गरिएको छ । जिल्ला समन्वय समितिको सभाहलमा कृषि ज्ञान केन्द्रका गतिविधि र प्रधानमन्त्री कृषि आधुनिकीकरण कार्यान्वयन इकाईका वर्षभरमा गतिविधिको समिक्षा गरिएको हो ।
कृषि ज्ञान केन्द्र गुल्मीमा प्रमुख नवराज भण्डारीले कार्यालयबाट भएगरेका कामहरु र आगामी आर्थिक वर्षमा गर्न सकिने कामहरुको बारेमा जानकारी गराएका थिए । जिल्लाका छ स्थानमा स्मार्ट कृषि गाउँ कार्यक्रम चलिरहेको छ ।
धुर्कोट, छत्रकोट, गुल्मीदरवार, रुरुक्षेत्र, चन्द्रकोट गाउँपालिका र मुसिकोट नगरपालिकामा हाल स्मार्ट कृषि कार्यक्रम चलिरहेका छन् । जहाँ भएका गतिविधिको जिल्लाका जिल्ला समन्वय प्रमुख, उपप्रमुख, १२ पालिकाका प्रमुख÷अध्यक्ष, उपप्रमुख÷उपाध्यक्ष लगायतको उपस्थितीमा जानकारी गराइएको हो ।
जिल्लाका स्थानीय तहका जनप्रतिनिधिहरुले स्मार्ट कृषि गाउँ कार्यक्रमलाई थप प्रभावकारी बनाउनको लागि सुझाव पेश गरेका थिए । जसमा स्मार्ट कृषि गाउँ कार्यक्रम संचालकहरुले पनि आफुहरुले गरेका कामको बारेमा जानकारी गराएका थिए ।
जिल्ला समन्वय समिति प्रमुख द्रोण बहादुर खत्रीले कार्यालयलाई जवाफदेही बनाउनुका साथै कार्यक्रमको प्रभावकारी कार्यान्वयन गर्नको लागि राजनीतिक दलका प्रतिनिधिसहितको समिक्षा कार्यक्रमको आयोजना गरिएको हो ।
शुक्रबार जिल्ला समन्वय समिति गुल्मीको सभाहलमा जिल्ला समन्वय समितिका प्रमुख, उपप्रमुख, १२ पालिकाका प्रमुख÷अध्यक्ष, उपप्रमुख÷उपाध्यक्ष र प्रमुख जिल्ला अधिकारीसहित सुरक्षा निकायका प्रमुख तथा प्रतिनिधि लगायत स्थानीयको सहभागितमा समिक्षा कार्यक्रम गरिएको हो ।
