माघ १४,२०७९ गुल्मी : गुल्मीमा साउन यता ३८ जनाले आत्म हत्या गरेका छन् ।
जिल्ला प्रहरी कार्यालय गुल्मीका प्रहरी नायव उपरीक्षक माधबराज खरेलका अनुसार ३३ जना झुण्डिएर,२ जना विष सेवन गरेर, खोलामा हाम फालेर २ जना र आत्म हत्या दुरुत्साहनबाट एक जना गरी ३८ जनाले आत्म हत्या गरेका हुन् ।
आत्म हत्या गर्नेमा १४ वर्ष उमेर देखी ८४ वर्षसम्मका रहेको खरेलले बताउनुभयो ।
आत्म हत्या गर्नुको मुख्य कारण गरिवी, मानसिक तनाव,मदिरा सेवन संगै बैदेशिक रोजगारी पनि रहेको खरेलले जानकारी दिनुभयो ।
यस्तै आर्थिक बर्ष २०७७।०७८ मा ९६ जना र २०७८।०७९ मा ७१ जनाले आत्म हत्या गरेको प्रहरीको तथ्यांकमा उल्लेख छ ।
