दिवाकर पोख्रेल
मंसिर १४,२०७९ देउखुरी : दाङको लमहीमा रहेको देउखुरी बहुमुखी क्याम्पसले नव निर्वाचित साँसदलाई विशेष कार्यक्रमकै आयोजना गरि बधाई एवं सम्मान कार्यक्रम सम्पन्न ग¥यो । यसरी प्रतिनिधिसभा र प्रदेशसभा निर्वाचनबाट निर्वार्चित भएका साँसदहरुलाई सम्मानको आयोजना गर्नु एउटा औपचारिकता मात्रै थिएन ।
सामुदायिक क्याम्पसमा देखिएका चुनौती हल गर्दै क्याम्पसको स्तर बृद्धि र शैक्षिक गुणस्तरमा सहयोग पु¥याउने कार्यक्रमको माग गर्नुपनी थियो । निर्वाचित साँसदहरुलाई बधाई ज्ञापन गर्नु र सम्मान गर्नु एउटा बहाना भएपनि यस्लाई माग राख्ने अवसरकै रुपमा लिएको सम्मान कार्यक्रमको आयोजना गर्नेहरु नै बताउँछन ।
देउखुरी बहुमुखी क्याम्पसका संचालक समितिका अध्यक्ष गणेशकुमार चौधरीले निर्वार्चित साँसदहरुलाई शूरुवातमै सम्मान गरेर समस्या अवगत गराउँदा संस्थागत समस्या हल हुने विश्वास व्यक्त गर्नुहुन्छ । उहाँ भन्नुहुन्छ ‘निर्वार्चित भएपछि उहाँहरु हाम्रो जनप्रतिनिधि हो,हाम्रो उदेश्य क्याम्पसको भौतिक पूर्वाधार र शैक्षिक गुणस्तर सुधारमा उहाँहरुको सहयोगको अपेक्षा नै हो ।’
देउखुरी उद्योग बाणिज्य संघले पनि दाङ देउखुरी क्षेत्र नम्बर १ बाट निर्वार्चित प्रतिनिधीसभा र प्रदेशसभाका साँसदलाई एकै ठाउँमा राखेर सम्मान एवं बधाई ज्ञाप गर्दै नीजी क्षेत्रका समस्या वारे जानकारी गरायो । देउखुरी उद्योग बाणिज्य संघका अध्यक्ष खगेश्वर खनालले नीजी क्षेत्रको समस्या हल गरीे लगानी मैत्री बाताबरण माग समेत राख्न्ुभयो । दाङ देउखुरीका यी दुइवटा संस्था एउटा उदाहरण मात्रै हुन । अहिले निर्वार्चित साँसदहरुलाई बधाई र सम्मान गर्नेको होडवाजी नै चलेको छ । यसरी जनप्रतिनिधीसंग नजिक भएर आफ्ना समस्या उजागर गर्न पाउँदा संघसंस्थाका प्रतिनिधि र स्वयम मतदाता पनि हर्षित हुने गरेका छन ।
लमही नगरपालिका वडा नं ५ लमहीका प्रकाश जीसीले जनप्रतिनिधीलाई बधाई र सम्मानको कार्यक्रमले जनता र नेता विचको सम्बन्ध सुधार गर्नेमा विश्वास व्यक्त गर्नुहुन्छ । उहाँ भन्नुहुन्छ, ‘आफ्ना जनप्रतिनिधीलाई फुल माला लगाएर आफ्ना गाउँ ठाउँको माग राख्ने कार्यलाई सकरात्मक रुपमा लिइनुपर्छ, यस्ले आवश्यकताको बोध गराउँछ र जन प्रतिनिधीलाई थप जीम्मेवार वनाउन सघाउँछ ।’
जनप्रतिनिधीहरुले यसरी मतदाताले स्वतस्फुत रुपमा आफ्ना समस्या राख्दा आफूहरुलाई जिम्मेवारी बढेको महशुस हुने बताउनुहुन्छ । शहरी विकास मन्त्री तथा दाङ क्षेत्र नम्बर १ बाट नव निर्वाचित प्रतिनिधिसभा साँसद मेटमणी चौधरीले मतदाताको उत्साहले जनसेवामा लाग्ने हौसला मिलीरहेको बताउनुहुन्छ ।
उहाँ भन्नुहुन्छ, ‘उहाँ भन्नुहुन्छ, यो योजना संकलनको प्रारारभ्भिक चरण जस्तै हो, मतदाताले निर्वाचनमा राखेका मागलाई पुनः स्मरण गराउनु भएको रुपमा लिएका छौ ।’ यस्तै लुम्बिनी प्रदेशका स्वास्थ्य जनसंख्या तथा परिवार कल्याण मन्त्री तथा दाङ प्रदेश १ (१) का नव निर्वाचित साँसद इन्द्रजित थारुले आफुहरुलाई मतदाताले आगामी योजना वारे जानकारी गराएको रुपमा सम्मान र बधाई कार्यक्रमलाई लिइएको बताउनुभयो ।
