मंसिर १,२०७९ गुल्मी : गुल्मी क्षेत्रनम्वर एकको प्रदेश सभा २ मा गठबन्धनका उम्मेदवार धनेन्द्र कार्कीले यस क्षेत्रको बिकासको जिम्मा गठबन्धनले लिने बताउनुभएको छ ।
छत्रकोट गाउँपालिकाको अगाहामा भएको चुनावी सभालाई सम्बोधन गर्दै कार्कीले निर्वाचन क्षेत्रको बिकास र समग्र गुल्मीको बिकासमा परिवर्तन ल्याउनका लागि गठबन्धन सक्षम भएको भन्दै आफूहरुले जिल्लाको बिकासमा कायपटल ल्याएरै छाड्ने दाबी गर्नुभएको छ ।
आफूहरुले बोल्ने एक र काम अनेक नगर्ने भन्दै जनताको सुख,दुःखमा सधै सारथी बन्ने गरी काम गर्ने प्रतिबद्धता समेत ब्यक्त गर्नुभएको हो ।
यस क्षेत्रमा स्वास्थ्य , यातायात ,खानेपानी र शिक्षा लगायतका क्षेत्रहरुमा काम गर्न बाँकी रहेको भन्दै त्यी सबै कामहरुलाई क्रमश गर्दै जाने समेत उहाँको प्रतिबद्धता छ ।
यस क्षेत्रमा प्रतिनिधि सभाका लागि गठबन्धनबाट कांग्रेसका चन्द्र भण्डारी र एमालेका प्रदीपकुमार ज्ञवालीबीच प्रतिस्पर्धा हुँदैछ ।
प्रदेश सभा १ मा गठबन्धनबाट माओबादीका सुदर्शन बराल र एमालको चिन्तामणी पाण्डे, प्रदेश सभा २ मा गठबन्धनबाट कांग्रेसका धनेन्द्र कार्की र एमालेबाट फर्सुराम पाण्डेबीच प्रतिस्पर्धा हुँदैछ ।
