गीताकुमारी बस्याल
कात्तिक १७,२०७९ गुल्मीः रेसुंगा नगरपालिका र गुल्मीदरबार गाउँपालिकाले हरिबोधनी एकादशीको दिन (भोली) सार्वजनिक बिदा दिने निर्णय गरेको छ ।
गुल्मीको प्रसिद्ध धार्मिक तथा ऐतिहासिक स्थल रेसुंगा पोखरीमा धार्मिक मेला लाग्ने भएकाले १८ गते शुक्रबार सार्वजनिक बिदा दिने निर्णय गरेको रेसुंगा नगरपालिकाका नगरप्रमुख खिलध्वज पन्थीले जानकारी दिनुभयो ।
शुक्रबार नगरपालिका मातहतका सम्पुर्ण कार्यालयहरु,शैक्षिक संस्था लगायतका कार्यालयहरु बन्द रहने नगरपालिकाले जनाएको छ ।
सो दिन रेसुंगा पोखरीमा धार्मिक मेला लाग्ने भएकाले विगतका वर्षहरुमा दिदै आएको बिदालाई यस वर्षपनि कायमै गरीएको पन्थीले बताउनुभयो ।
पबित्र स्थल पोखरीमा गई स्थान गर्नाले अन्जानमा गरेका पापहरु नष्ट हुने र पुन्य प्राप्त हुने धार्मिक विश्वास रहदै आएको छ ।
