असोज १९,२०७९ गुल्मी : गुल्मीमा टीका थाप्न माइत हिँडेकी ४१ वर्षीय महिलालाई खोलाले बगाएर मृत्यु भएको छ ।
जिल्लाको धुर्कोट गाउँपालिका वडा नम्वर पाँचकी ४१ वर्षीय लक्ष्मी कुँवर सोही पालिकाको वडा नम्वर २ को पिपलधारामा टीका थाप्न माइत जाने क्रममा अरौदी खोलाले बगाएर मृत्यु भएको जिल्ला प्रहरी कार्यालय गुल्मीले जनाएको छ ।
शबको स्थलगत मुचुल्का तयार गरी तम्घास ल्याउने तयारी भइरहेको जिल्ला प्रहरी कार्यालय गुल्मीका प्रहरी निरीक्षक श्यामप्रकाश यादवले जानकारी दिए ।
निरन्तर पानी परेकाले बीच बीचमा सडकहरु अवरुद्ध भएको बताउँदै यादबले शवलाई आज तम्घास ल्याउन नसके बिहीबार बिहानै तम्घासमा ल्याई पोष्टमार्टम गरिने र आफन्तको जिम्मा लगाइने जानकारी दिए ।
