बाग्लुङमा भएकाे जिप दुर्घटनाप्रति गुल्मीका विभिन्न संघ-संस्थाद्वारा दु:ख व्यक्त

0
516
 हुमाकान्त पाेखरेल, गुल्मी १८ मंसिर । मंगलबार बाग्लुङमा भएकाे जिप दुर्घटनाप्रति गुल्मीका विभिन्न संघ संस्था तथा राजनीति दलले दु:ख व्यक्त गरेका छन् । नेपाल कम्युनिष्ट पार्टी (नेकपा) का जिल्ला अध्यक्ष मधुकृष्ण पन्त र सचिव वीर बहादुर कार्कीद्वारा हस्ताक्षरित विज्ञप्तिमा दुर्घटनाप्रति दु:ख व्यक्त गर्दै घाइतेहरूकाे शिघ्र स्वास्थ लाभकाे कामना गरिएकाे छ । त्यसका साथै उद्दारका लागि खटिने जनप्रतिनिधि, सुरक्षाकर्मी, सञ्चारकर्मी लगायत सबैलाई धन्यवाद दिएकाे छ । नेपाली काङ्ग्रेसका पार्टी सभापति भुवन प्रसाद श्रेष्ठद्वरा हस्तक्षरित शाेक विज्ञप्तिमा दिनहुँ जसाे भएका सवारी दुर्घटनाका खबरले अाम जनता त्रसित भएकाेले यस घटनाकाे पनि सत्यतथ्य बाहिर ल्याउन माग गरिएकाे छ ।
समाजवादी पार्टी नेपाल नेपाल गुल्मीका अध्यक्ष वीर बहादुर गुरूङ र सचिव जनक पन्थद्दारा हस्ताक्षरित शाेक वक्तव्यमा घटनाले अाफ्नाे पार्टीलाई दु:खित बनाएकाे भन्दै ज्यान गुमाउने सबैप्रति श्रद्धाञ्जली व्यक्त गरिएकाे छ ।
दुर्घटनाकाे समाचारले दुखित तुल्याएकाे भन्दै राष्ट्रिय लाेक तथा दाेहाेरी गित प्रतिष्ठान नेपाल जिल्ला शाखा गुल्मीले शाेक वक्तव्य जारी गरेकाे छ । संस्थाका अध्यक्ष बसन्त खत्रीद्दारा हस्तक्षरित विज्ञप्तिमा घटनाले अाफुहरूलाई मर्माहत तुल्याएकाे भन्दै दुर्घटना न्यूनिकरणमा सबै एकजुट हुनुपर्ने धारणा राखेकाे छ । त्यस्तै घटनाप्रति नेपाली काङ्ग्रेसकाे भातृ संगठन नेपाल विध्यार्थी संघले पनि शाेक वक्तव्य जारी गरेकाे छ । संगठनका कार्यवाहक सभापति राम्जी पन्थीद्दारा हस्ताक्षरित विज्ञप्तिमा घटनाप्रति दु:ख व्यक्त गर्दै घाइतेहरूकाे शिघ्र स्वास्थ्य लाभकाे कामना गरेकाे छ । मंगलबार गुल्मीको इस्मा गाँउपालिकाबाट बाग्लुङकाे निसिखाेलामा जाँदै गरेकाे ग १ ज ५२१९ नम्बरकाे जिप दुर्घटनामा परेकाे थियाे । दुर्घटनामा परि १५ जनाकाे ज्यान गएकाे थियाे । भने तीनजना गम्भीर घाइते भएका छन् । मृतकमध्ये १० जनाकाे मंगलबार राति नै इस्मा गाँउपालिकास्थित हुलाकेमा सामुहिक दाहासंस्कार गरिएकाे छ ।

 

SHARE