माघ ८,२०७७ सर्लाही . सर्लाहीमा बस दुर्घटना हुँदा २ जनाको मृत्यु भएको छ। १७ जना घाइते भएका छन्।
दाङबाट काँकडभिट्टाका लागि छुटेको ना ५ ख ४४ ८८ नम्बरको बस हरिवन नगरपालिका–४ मा दुर्घटना हुँदा दाङका ३६ वर्षीया राजकुमारी चौधरी र २३ वर्षीया रिता चौधरीको मृत्यु भएको सर्लाहीका प्रहरी प्रवक्ता डिएसपी मदन कुँवरले जानकारी दिए।
दुर्घटनामा गम्भिर घाइते भएका चार जनाको वीरगन्जमा र १३ जनाको स्थानीय अस्पतालमा उपचार भइरहेको छ। बस दुर्घटनाको कारण खुलेको छैन्।
