कात्तिक २१,२०७७ बाँके : १० किलो ४ सय ग्राम अफिमसहित एक जना पक्राउ परेका छन् । बाँकेको खजुरा गाउँपालिका–८ रनियापुर स्थानमा लागु औषध अफिमसहित जाजरकोट जुनिचाँदे गाउँपालिका–२ बस्ने वर्ष ३७ का तिलक बहादुर शाही पक्राउ परेका हुन् ।
प्रहरीले सुचनाका आधारमा शाहीको खानतलासी लिँदा निजले दाहिने हातमा बोकेको रातो रंगको झोला भित्र सेतो प्लाष्टिक भित्र ११ वटा पेटी बनाई राखेको अवस्थामा रहेको गिलो लागु औषध अफिम बरामद गरेको हो । प्रहरीले यसबारे थप अनुसन्धान जारी राखेको बताएको छ ।
