फागुन ९,२०७९चितवन : चितवनको रत्ननगरमा गैँडाको आक्रमणबाट एक जनाको मृत्यु भएको छ। मृत्यु हुनेमा रत्ननगर(९ का ६० वर्षीय चन्द्रबहादुर तमाङ रहेको चितवन राष्ट्रिय निकुञ्ज कार्यालयले जनाएको छ।

मंगलबार बिहान उहाँलाई गैँडाले आक्रमण गरेको निकुञ्जका सूचना अधिकारी रहेका सहायक संरक्षण अधिकृत गणेशप्रसाद तिवारीले जानकारी दिनुभयो। रत्ननगर(९ को लालपर्सा र मोहनाको बीचमा पर्ने बाटोमा उनलाई गैंडाले आक्रमण गरेको थियो।

निकुञ्ज आसपासको गाउँ, बस्ति, खेत र वन क्षेत्रमा वन्यजन्तुले बर्सेनि मान्छेलाई आक्रमण गर्दा अंगभंग हुने र ज्यानसमेत जाने घटना हुने गरेका छन्।

निकुञ्जका सूचना अधिकारी तिवारीका अनुसार यो आर्थिक वर्षमा यो घटनासहित वन्यजन्तुले आक्रमण गर्दा पाँच जनाको मृत्यु भएको छ।

सुशीला रेग्मी
फागुन ९रामपुर (पाल्पा) : राजनीतिलाई उद्योग र उद्योगलाई विकाससंग जोडेर काम गर्ने उद्योगपती विनोद चौधरीले बताउनुभएको छ ।

पाल्पाको रामपुरमा चलेको तेस्रो रामपुर महोत्सव तथा व्यापार मेला २०७९ को सोमवार समापन सत्रका अवसरमा बोल्नुहुदै चौधरीले रामपुर क्षेत्र उद्योग व्यावसायका लागि धेरै सम्भावना बोकेको बताउनुभयो ।

रामपुर उद्योग वाणिज्य महासंघको आयोजनामा भएको मेलामा संघीय सांसद तथा उद्योग वाणिज्य महासंघ नेपालका पुर्व अध्यक्ष समेत रहनुभएका चौधरीले नेपालको राजनीति युवा केन्द्रीत र विकास केन्द्रीत हुनुपर्ने बताउनुभएको छ । रामपुर बृहत् नेपालसंग जोड्न सक्ने सम्भावना रहेकाले यहाँ उद्योग, व्यावसाय संचालन गरेर आर्थिक समृद्धिमा जोड दिनुपर्ने बताउनुहुदै उद्योगपती चौधरीले नेपालको पौरखलाई विश्वभरी पुर्याउने प्रयास गरेर आफु सफल भएको बताउनुभयो ।

सम्भावनालाई खोजेर काम गरियो भने सयौँ विनोद चौधरी जन्मनेछन्, एकले अर्काेलाई निषेध गरेर गन्तव्यमा पुग्न सकिँदैन बताउदै चौधरीले विकासले दृष्टिकोणको ढोका खोलिनुपर्नेमा जोड दिनुभएको छ ।

लुम्बिनी प्रदेश सभा सदस्य राजु प्रसाद श्रेष्ठले कालीगण्डकी उपत्यका विकासको कार्यका लागि प्रतिवद्ध भएर सहकार्य गर्दै अघि बढ्ने बताउनुभयो । उहाँले भवन निर्माणको लागि लुम्बिनी प्रदेश सरकार मार्फत पहल गर्ने बताउनुभयो । महोत्सवले व्यवसायलाई चलायमान बनाउन र रामपुरलाई चिनाउन थप सफल भएको उल्लेख गर्नुभयो ।

रामपुर नगरपालिकाका प्रमुख रमणबहादुर थापाले नगरले घरेलु तथा साना उद्योग स्थापना तथा व्यवसाय प्रवद्र्धनका लागि आवश्यक सहयोग गर्दै आएको बताउनुभयो । उहाँले नगरपालिकाले चालेको अभियानमा साथ दिन आग्रह गर्नुभयो । कला र संस्कृति संगै प्राकृतिक सौन्दर्यले भरिपूर्ण रामपुर संगै कालीगण्डकी उपत्यकाको विकासको लागि तीनै तहका सरकार संग समन्वय गरेर अघि बढ्नुपर्ने बताउनुभयो ।

अन्र्तराष्ट्रिय विपि चिन्तन प्रतिष्ठानका अध्यक्ष सन्दिप रानाले कालीगण्डकी करिडोर निर्माण संगै गण्डकी बेशी क्षेत्रको विकासको ढोका खुलेको बताउनुभयो । उहाँले रहेका उत्पादनलाई वृद्धि गर्दै निर्यातलाई प्रवद्र्धन गर्नेतर्फ केन्द्रित हुनुपर्ने समय आएको उल्लेख गर्नुभयो ।

रामपुर उद्योग वाणिज्य संघका अध्यक्ष भोजेन्द्रप्रकाश ढकालले मेला सफलतापुर्वक सम्पन्न भएको बताउनुभयो । संघको भवन निर्माण, कालीगण्डकी उपत्यकाको पर्यटन विकास, कृषि उपजको प्रवद्र्धन बजारीकरणको लागि मेला आयोजना गरिएको हो । गत माघ २७ गतेदेखि सुरु भएको थियो ।

अध्यक्ष ढकालको अध्यक्षतामा भएको समापन समारोहमा संघका वाणिज्य उपाध्यक्ष विष्णु सारुले धन्यवाद दिनुभएको हो भने कार्यक्रमको सञ्चालन संघका महासचिव खिमबहादुर क्षेत्री (पुरुषोत्तम)ले गर्नु भएको थियो । मेलाको अन्तिम दिन सोमबार पनि मेलास्थल दर्शकले भरिभराउ थियो ।

फागुन ९,२०७९
काठमाडौं : नेपालको हिमाली क्षेत्रमा बसोबास गर्ने शेर्पालगायत महायान बौद्ध धर्मावलम्बी समुदायले मंगलबार ल्याल्पो ल्होसार मनाउँदै छन्। प्रत्येक वर्ष फागुन शुक्ल प्रतिपदाका दिन ग्याल्पो ल्होसार मनाउने परम्परा छ।

मंगलबार २१५०औँ ग्याल्पो ल्होसार मनाउन लागिएको हो। यो पटक बाघ वर्ष पूरा गरी खरायो वर्ष आरम्भ हुँदैछ। ल्होसार मुसा, गाई, बाघ, खरायो, मेघ, सर्प, घोडा, भेडा, बाँदर, चरा, कुकुर र बराह गरी १२ वर्गमा विभाजन गरिएको छ ।

ग्याल्पो ल्होसार भोटका नवौँ राजा उदे गुङ्ग्यालका पालादेखि वसन्त पर्वका नामले मनाउन शुरु गरिएको बताइन्छ। समय क्रममा ग्याल्पो ल्होसार नामकरण भएको अनुसन्धाता टीका शेर्पाले जानकारी दिए। व्यक्ति वा समाजअनुसार यो ल्होसारलाई कसैले ग्याल्पो र कसैले ग्याल्बो उच्चारण गर्ने गरेको उनको भनाइ छ।

ल्होसार मंगोल समुदायका विभिन्न जातिले छुट्टाछुट्टै मितिमा मनाउने गरेका छन्। गुरुङ समुदायले पुस १५ मा तमु र तामाङ समुदायले माघ शुक्ल प्रतिपदाका दिन सोनाम ल्होसारका नाममा यो पर्व मनाइसकेका छन्।

ग्याल्पो ल्होसारका अवसरमा नेपाल सरकारले सार्वजनिक विदा दिएको छ।

फागुन ८,२०७९ मकवानपुर :मकवानपुरको मनहरी गाउँपालिका –४ स्थित मसिनेमा जङ्गली हात्तीको आक्रमणबाट एक वृद्ध महिलाको मृत्यु भएको छ ।

स्थानीय ६४ वर्षीया राधा अधिकारीको हात्तीको आक्रमणपछि उपचारको क्रममा भरतपुरस्थित मेडिकल कलेजमा सोमबार मृत्युभएको हो । बिहान करेसाबारीमा काम गरिरहेको समयमा हात्तीको आक्रमणबाट गम्भीर घाइते भएपछि उपचारका लागि उहाँलाई हेटौँडा उपमहानगरपालिका –११ स्थित चुरेहिल अस्पतालमा ल्याइएको थियो ।

उहाँको स्वास्थ्य जटिल भएपछि चितवनस्थित मेडिकल कलेजमा उपचारका लागि लगिएको थियो । जिल्ला प्रहरी कार्यालय मकवानपुरका प्रहरी उपरीक्षक बामदेव गौतमले आक्रोशित स्थानीयले मनहरी गाउँपालिका –३ स्थित लामिटारमा रहेका पर्सा राष्ट्रिय निकुञ्जको कार्यालयमा तोडफोड र गोलघरमा आगजनी गरेको जानकारी दिनुभयो ।

स्थानीयले निकुञ्जको दुई वटा मोटरसाइकल र जिपसमेत तोडफोड गरी क्षति गरेका छन् ।