महेश बोहरा,
माघ २०,२०८०गुल्मी :गुल्मी जिल्लाको चन्द्रकोट गाउँपालिका कार्यसम्पादन मूल्याङ्कनमा गुल्मीमा दोस्रो भएको छ ।

आर्थिक वर्ष २०७९र०८० को कार्यसम्पादनका आधारमा सार्वजनिक भएको नतिजा अनुसार चन्द्रकोट गाउँपालिकाले ९३।२५ प्रतिशत अङ्क प्राप्त गरेको छ । जिल्लाका दुई नगरपालिका र दश गाउँपालिका गरी १२ स्थानीय तहमध्ये स्थानीय तह संस्थागत क्षमता स्वमूल्याङ्कनमा चन्द्रकोट गाउँपालिका उत्कृष्ट भएको हो । जिल्लाको धुर्कोट गाउँपालिकाले ९३।७५ प्रतिशत अङ्क प्राप्त गर्दै पहिलो भएको छ भने रुरुक्षेत्र गाउँपाालिाकाले समान ९३।२५ प्रतिशत अङ्क प्राप्त गर्दै जिल्लामा दोस्रो हुन सफल भएको छ ।

यस भन्दा पहिले आर्थिक वर्ष २०७८र०७९ मा चन्द्रकोट गाउँपालिकाले जम्मा ७३।५ प्रतिशत अङ्क प्राप्त गरेको थियो । यस्तै आर्थिक वर्ष २०७७र७८ मा गाउँपालिकाले ७० प्रतिशत अङ्क प्राप्त गरेको थियो । भने २०७६र७७ मा जम्मा ६१ प्रतिशत अङ्क प्राप्त गरेको थियो । चन्द्रकोट गाउँपालिकाले क्रमशः स्थानीय तह संस्थागत क्षमता स्वमूल्याङ्कनमा सुधार गरेको छ । चन्द्रकोट गाउँपालिकाको दाश्रो कार्यकालका लागी निर्वाचित अध्यक्ष युवराज केसीको नेतृत्वले कार्यसम्पादन मूल्याङ्कनमा सुधार गरेको हो । आउने वर्षमा पनि थप सुधार गदै शतप्रतिशत बनाउने गाउँपालिका अध्यक्ष युवराज केसीले बताए ।

गाउँपालिकाले संगठन तथा प्रशासन बिषय क्षेत्रमा ९ अङ्क प्राप्त गरेको छ । शासकीय प्रवन्धमा ८, बजेट तथा योजनामा १०।५, वित्तीय एंव आर्थिक व्यवस्थापनमा १०।७५, सेवा प्रवाहमा १४।५, न्यायिक कार्यसम्पादनमा ७, भौतिक पूर्वाधारमा ११, सामाजिक समावेशीकरणमा ९ अङ्क प्राप्त गरेको छ । यस्तै वातावरण संरक्षण तथा विपद् व्यवस्थापनमा ७।५ र सहकार्य र समन्वयमा ६ अङ्क प्राप्त गरी कुल १०० मा ९३।२५ प्रतिशत अङ्क प्राप्त गरेको हो ।

सङ्घीय मामिला तथा सामान्य प्रशासन मन्त्रालयबाट जारी स्थानीय तह संस्थागत क्षमता स्वमूल्याङ्कन कार्यविधि, २०७७ बमोजिम स्थानीय तहको मूल्याङ्कन गरिन्छ । कार्यविधि अनुसार स्थानीय तहमा शासकीय प्रबन्ध, सङ्गठन तथा प्रशासन, वार्षिक बजेट तथा योजना व्यवस्थापन, वित्तीय एवम् आर्थिक व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद् व्यवस्थापन, समन्वय र सहकार्य गरी दश वटा क्षेत्रका १०० सूचकसहित १०० पूर्णाङ्कमा मूल्याङ्कन गरिएको हुन्छ ।

यस्तो छ जिल्लाका अन्य स्थानीय तहको अवस्था

जिल्लाको धुर्कोट गाउँपालिकाले ९३।७५ प्रतिशत अङ्क प्राप्त गर्दा रुरुक्षेत्र गाउँपाालिाकाले ९३।२५ प्रतिशत अङ्क प्राप्त गरेको छ ।
यस्तै मुसिकोट नगरपालिकाले ९१।५ प्रतिशत अङ्क प्राप्त गरेका छ । मदाने गाउँपालिकाले ९१।२५ प्रतिशत, रेसुङ्गा नगरपालिकाले ९०।२५ प्रतिशत, कालीगण्डकी गाउँपालिकाले ९० प्रतिशत, मालिका गाउँपालिकाले ८८।५ प्रतिशत, सत्यवती गाउँपालिकाले ८८ प्रतिशत, गुल्मी दरबार गाउँपालिकाले ८६।२५ प्रतिशत, इस्मा गाउँपालिकाले ८५।५ प्रतिशत र छत्रकोट गाउँपालिकाले ८२।२५ प्रतिशत अङ्क प्राप्त गरेका छन् ।

अनिष पन्थी

माघ १९,२०८०गुल्मी : गुल्मी उद्योग संघ लक्षित लुम्बिनी प्रदेशका सांसद डिल्लीराज भुसालको अभिव्यक्ति प्रति संस्थाले आपत्ति जनाएको छ । बिहिवार पत्रकार सम्मेलनमा उद्योग संघ गुल्मीका अध्यक्ष नवराज भुसालले सांसद भुसालले महोत्सव प्रती दिएको अभिव्यक्तिमा आपत्ती जनाएका हुन् ।

गत कार्तिक १५ गतेदेखि २७ गतेसम्म उपल्लो तम्घासमा सञ्चालित प्रथम ऐतिहासीक गुल्मी महोत्सवको उद्घाटन सांसद भुसाल अफुले गर्न पाउनुपर्छ भन्ने अभिव्यक्ति दिएको उद्योग संघ गुल्मीका अध्यक्ष भुसालले दावी गरे । उद्घाटन गर्न नपाएको रिसमा सांसद भुसालले दिएको अभिव्यक्ति प्रती उद्योग संघ गुल्मीले आपत्ती जनाएको अध्यक्ष भुसालले बताए ।

केही व्यक्तिहरुले यो सस्था अनावश्यक भएको, बर्म लुट गर्न खोलिएको, लुटनकै लागि महोत्सव गरिएको भन्ने अनावश्यक टिप्पणी गर्दै हिडेको बताउँदै अध्यक्ष भुसालले लोकतन्त्रमा सस्थाको महत्त्व किन छ ? भनेर अध्ययन गर्न चुनौती दिएका छन्। सोही प्रसङ्गमा सांसद भुसाल प्रती लक्षित गर्दै जनताको भोटले जित्दैमा बुद्धि बढछ भन्ने नभएको बताउँदै अध्ययन गरेर आफ्नो बुद्धि बढाउन समेत आग्रह गरे ।

उद्योग व्यापारको क्षेत्रमा केही गर्छु भनेर आफ्नै जिल्लामा बसेका युवाहरुले खोलेको सस्थालाई आवश्यक नदेख्नेले बिगतमा आफू सस्थामा आवद्ध किन भएको भनेर समेत सांसद भुसाल प्रती संघका अध्यक्ष भुसालले प्रश्न खडा गरेका छन् ।
उमेर पुगेर र कपाल फुलेर मात्र नभैइ आफ्नो सोचमा समेत परिपक्वता र परिवर्तन ल्याउन समेत चुनौती दिएका छन् ।

महोत्सवको आम्दानी खर्च सार्वजनिक

पत्रकार सम्मेलनमा उद्योग संघ गुल्मीले महोत्सव संचालन गर्दा भएको आम्दानी र खर्च सार्वजनिक गरेको छ । महोत्सव संचालनका क्रममा कार्यालय व्यवस्थापन गर्न ७ लाख १७ हजार खर्च भएको अध्यक्ष भुसालले जानकारी दिए । सचिवालय खर्च ८० हजार , प्रचारप्रसारमा ३ लाख , मन्च ब्याज मालामा ६० हजार , छपाइमा १ लाख २० हजार, खाजा नास्तामा ७५ हजार, र्याली बाजाको लागि ८२ हजार खर्च भएको बताए । यस्तै नगरपालिकालाई केहि रकम तिर्न र जग्गाको भाडा तिर्न बाकि रहेको समेत जानकारी गराए । महोत्सवबाट १८ लाख ३० हजार आम्दानी भएको र अझै १० लाख रकम उठन बाकी रहेको अध्यक्ष भुसालले बताए ।

महोत्सवमा आफुहरुले आसा गरेभन्दा पनि धेरै सफलता पाएको उद्योग संघ गुल्मीका महासचिव सुदर्शन खनालले बताए ।
आफुहरुको मुख्य उदेश्य तम्घासस्थान मन्दिरको प्रचार र प्रबर्द्धन गर्नु भएको बताउँदै महोत्सवबाट मन्दिरमा केहि परिवर्तन आएको बताए । महोत्सवको उदेश्य पूरा भएको र आगामी दिनमा थप चुनौतीका बाबजुद पनि सस्था अगाडि बढने खनालले बताए ।

उद्योग संघ गुल्मीले कार्तिक १५ गतेदेखि २७ गतेसम्म “उद्योग कृषि र पर्यटनमा उनिएको थुङ्गा, समुन्नत गुल्मीका लागि जाउँ हिड रेसुङ्गा” भन्ने मुल नारासहित रेसुङ्गा नगरपालिकाले सुरु गरेको “जाउँ हिड रेसुङ्गा” अभियानलाई साथ दिदै उपल्लो तम्घासमा पहिलोपटक ऐतिहासिक प्रथम गुल्मी महोत्सव गरेको थियो ।