असोज १८,२०७९काठमाडौं : यस वर्षको दशैँ वर्षामय हुने भन्दै शतर्क रहन विज्ञहरूले सुझाएका छन्। हाल मनसुनको न्युन चापीय रेखा सरदर स्थान भन्दा उत्तरतिर अवस्थित रहेकाले देशभर नै वर्षा हुनसक्ने जल तथा मौसम विज्ञान विभागले जनाएको हो।

सोमवार ९महाष्टमी० का दिन पनि देशभरका विभिन्न स्थानमा अविरल वर्षा भएको र मंगलवार ९आज० पनि देशभर मेघ गर्जन÷चट्याङसहित हल्कादेखि मध्यम वर्षा हुने भएकाले वाग्मती प्रदेश, गण्डकी प्रदेश र लुम्बिनी प्रदेशका थोरै र प्रदेश १, मधेस प्रदेशका विभिन्न स्थानमा भारी वर्षाको अनुमान गरिएको छ।

काठमाडौं उपत्यकामा पनि अहिले मौसम धुम्मिएको छ। यस वर्षको दशैँ वर्षामय हुने भएकाले विज्ञहरूले टिका लगाउन जाँदा खहरे खोलानालहरूमा सावधानी अपनाउन आग्रह गरेका छन्।

हाल प्रदेश १, मधेश प्रदेश तथा बागमती प्रदेशमा सामान्य बदली रही बाँकी प्रदेशका पहाडी भू–भागमा आंशिकदेखि सामान्य बदली रहेको छ। प्रदेश १ का थोरै स्थानहरूमा हल्का वर्षा भइरहेको छ। आज प्रदेश १, मधेस प्रदेश र बागमती प्रदेशमा सामान्य बदली रही बाँकी प्रदेशहरूमा आंशिकदेखि सामान्य बदली रहनेछ। प्रदेश १, मधेस प्रदेश,बागमती प्रदेश, गण्डकी प्रदेश र लुम्बिनी प्रदेशका केही तथा बाँकी प्रदेशहरूका थोरै स्थानहरूमा मेघ गर्जन÷चट्याङसहित हल्कादेखि मध्यम वर्षाको सम्भावना छ। त्यस्तै आज राति देशभर सामान्य बदली रहनेछ।

प्रदेश १, मधेस प्रदेश, बागमती प्रदेश, गण्डकी प्रदेश र लुम्बिनी प्रदेशका केही तथा बाँकी प्रदेशहरूका थोरै स्थानहरूमा मेघ गर्जन चट्याङसहित हल्कादेखि मध्यम वर्षाको सम्भावना रहेको छ। साथै बागमती प्रदेश, गण्डकी प्रदेश र लुम्बिनी प्रदेशका थोरै र प्रदेश १, मधेस प्रदेशका एक दुई स्थानहरूमा भारी वर्षाको सम्भावना रहेको जल तथा मौसम विज्ञान विभागले जनाएको छ। पछिल्लो २४ घण्टामा प्रदेश १, मधेस प्रदेश, बागमती प्रदेश, गण्डकी प्रदेश र लुम्बिनी प्रदेशका केही तथा बाँकी प्रदेशहरूका थोरै स्थानहरूमा मेघ गर्जन÷चट्याङसहित हल्कादेखि मध्यम वर्षाको सम्भावना रहेको छ।

साथै बागमती प्रदेश, गण्डकी प्रदेश र लुम्बिनी प्रदेशका थोरै र प्रदेश १, मधेस प्रदेशका एक–दुई स्थानहरूमा भारी वर्षाको सम्भावनाले उक्त क्षेत्रहरूमा भू–क्षय, पहिरो तथा गेग्रान वहावको जोखिमका साथै सडक तथा हवाई यातायातमा सामान्य प्रभावको सम्भावना रहेको छ। नदीनाला तथा खहरे खोलाहरूमा पानीको सतह बढ्नसक्ने र दैनिक जनजीवन समेत सामान्य प्रभावित हुनसक्ने भएकोले आवश्यक सतर्कता अपनाउन विभागले आग्रह गरेको छ।

दशैँको टीकाको दिन देशभर सामान्यदेखि पूर्ण बदली रहनेछ। प्रदेश १, बागमती प्रदेश, गण्डकी प्रदेश र लुम्बिनी प्रदेशका धेरै तथा बाँकी
प्रदेशहरूका थोरै स्थानहरूमा मेघ गर्जन चट्याङसहित हल्कादेखि मध्यम वर्षाको सम्भावना छ। साथै गण्डकी र लुम्बिनी प्रदेशका थोरै स्थानहरूमा भारीदेखि
धेरै भारी वर्षा तथा प्रदेश १ र बागमती प्रदेशका एक–दुई स्थानमा भारी वर्षाको सम्भावना रहेको छ।

टीकाको राति देशभर सामान्यदेखि पूर्ण बदली रहनेछ। गण्डकी, लुम्बिनी , कर्णाली र सुदूरपश्चिम प्रदेशहरूका धेरै स्थानहरूमा तथा बाँकी प्रदेशहरूका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ। साथै सुदूरपश्चिम प्रदेश, कर्णाली प्रदेशका केही तथा लुम्बिनी प्रदेशको थोरै स्थानहरूमा भारीदेखि धेरै भारी वर्षाको सम्भावना रहेको छ। टीकाको भोलिपल्ट अर्थात् बिहीवार दिउँसो देशभर सामान्यदेखि पूर्ण बदली रहनेछ।

गण्डकी, लुम्बिनी, कर्णाली र सुदूरपश्चिम प्रदेशहरूका धेरै तथा बाँकी प्रदेशहरूका केही स्थानहरूमा मेघ गर्जन चट्याङसहित हल्कादेखि मध्यम
वर्षाको सम्भावना रहेको छ। सुदूरपश्चिम, कर्णाली, लुम्बिनी र गण्डकी प्रदेशहरूका थोरै स्थानहरूमा भारी देखि धेरै भारी वर्षाको सम्भावना रहेको छ। बिहीवार राति सुदूरपश्चिम तथा कर्णाली प्रदेशमा सामान्यदेखि पूर्ण बदली रही बाँकी भू–भागमा आंशिकदेखि सामान्य बदली रहनेछ।

लुम्बिनी, कर्णाली र सुदूरपश्चिम प्रदेशहरूका धेरै र बाँकी प्रदेशका थोरै स्थानहरूमा मेघ गर्जन चट्याङ्ग सहित हल्कादेखि मध्यम वर्षाको सम्भावना रहेको छ। साथै सुदूरपश्चिम, कर्णाली र लुम्बिनी प्रदेशका एक–दुई स्थानहरूमा भारीदेखि धेरै भारी वर्षाको सम्भावना रहेको विभागले जनाएको छ।

असोज १७,२०७९सल्यान ; पाँच कक्षासम्म सञ्चालित विद्यालयमा शिक्षक पाँच छन्। तर तिनले पढाउनुपर्ने विद्यार्थी भने जम्मा तीन जना। धेरैलाई पत्यार नलाग्ला तर सल्यानको शारदा नगरपालिकामा रहेको एक विद्यालयको वास्तविकता यही रहेको छ।

शारदा नगरपालिका(३ मा रहेको खड्कदेवी प्राथमिक विद्यालयमा पाँच शिक्षक र एक कार्यालय सहयोगी गरी ६ जना छन्। तर विद्यार्थी जम्मा तीन जना।

कक्षा पाँचसम्म सञ्चालित विद्यालयमा यस शैक्षिक सत्रमा जम्मा १७ विद्यार्थी भर्ना भएका थिए तर नियमित भने जम्मा ३ जना रहेका छन्। बाल विकासमा ३, कक्षा १ मा ३, कक्षा २ मा ३,, कक्षा ४ मा ५ र कक्षा ५ मा १ जना विद्यार्थी भर्ना भएका थिए। तर बाल विकासमा एक जना र कक्षा १ मा दुई जना गरेर तीनजना विद्यार्थी मात्र नियमित विद्यालयमा आउने गरेका छन्।

विद्यालयका प्रधानाध्यापक मिर्जुकुमारी महर्जनले विद्यालयमा धेरै विद्यार्थी भर्ना भए पनि अध्ययन गर्न तीनजना मात्रै आउने गरेको बताइन्।

उनले भनिन्, ‘शुरु–शुरुमा विद्यार्थी नियमित जस्तै आउँथे तर अहिले सबैले छोडे, तीनजना विद्यार्थी मात्रै विद्यालयमा आउँछन्।’

प्रअ महर्जनले विद्यालयमा भर्ना भएका विद्यार्थी निजी विद्यालय तथा अरु सरकारी विद्यालयमा जाँदा विद्यार्थी संख्या कम भएको बताइन्। पाँचजना शिक्षकले तीनजना विद्यार्थीलाई वर्षभर पढाउनुहुन्छ त रु  भन्ने प्रश्नमा प्रधानाध्यापक महर्जनले भनिन्, यो वर्ष त तीनजना मात्रै पढाउने त होला, अब अर्को वर्ष विद्यार्थी थप गर्न सकिन्छ कि।’

‘निजी विद्यालय धेरै भए, सरकारी विद्यालयले पनि अंग्रेजी माध्यमबाट पठनपाठन गर्न थाले तर हामीकहाँ त्यो हुन सकेन’, महर्जनले भनिन्, ‘हामी पाँचै जना शिक्षिका छौं, हाम्रो विश्वास नगरेर पो हो कि, यहाँ विद्यार्थी पठाउन कसैले मान्दैनन्।’ वि।सं। २०७२ सालमा विपी स्मृति प्रा।वि सिरुवार र द्वारिका प्रा।वि बडाखोला यस विद्यालयमा मर्ज भएका थिए। तर पनि यस विद्यालयमा विद्यार्थी नहुँदा बन्द हुने अवस्थामा पुगेको छ। थाहाबाट

असोज १७,२०७९हेटौंडा : हेटौंडामा बस दुर्घटना हुँदा एक जनाको मृत्यु भएको छ। बसमा सवार अन्य ३७ जना घाइते भएका छन्।

पूर्वपश्चिम राजमार्ग अन्तर्गत हेटौंडा–१५ चुरियामाई मन्दिर नजिक आइतबार राति रात्रि बस दुर्घटना हुदा बसमा सवार एक यात्रुको मृत्यु भएको हो।

काठमाडौंबाट दमक तर्फ जाँदै गरेको ना ७ ख २०३२ नम्बरको रात्रि बस आफै अनियन्त्रित भई नालीमा खस्दा बसमा सवार झापाको दमक–५ मोडेल क्याम्पस नजिक बस्ने ६० बर्षीय दिल्ली बहादुर दर्जीको मृत्यु भएको हेटौंडा प्रहरीले जनाएको छ। उनको हेटौडा अस्पतालमा उपचारको क्रममा मृत्यु भएको मकवानपुर प्रहरीले जनाएको छ।

त्यसैगरी बसमा सवार अन्य ३७ जना घाइते रहेको मकवानपुरका प्रहरी नायब उपरीक्षक टेक बहादुर कार्कीले जानकारी दिए। उनीहरूको मध्य केहीको हेटौंडामा ,चितवन र काठमाडौंमा उपचार भइरहेको उनले बताए। घाइते अधिकांश प्रदेश नम्बर १ का रहेको जनाइएको छ।