मंसिर १४,२०७९बागलुङ : जिल्ला प्रशासन कार्यालयको प्रशासकीय अधिकृत भन्दै ठगी गर्ने गोरखाको शहीद लखन गाउँपालिका–४ का बुद्धिमान परियारलाई प्रहरीले पक्राउ गरेको छ।

ठगी गरेको भन्ने सूचना पाएपछि बागलुङ नगरपालिका–३ गुठीस्थित प्रशासन कार्यालय परिसरबाट परियारलाई पक्राउ गरेको जिल्ला प्रहरी कार्यालय बागलुङका सूचना अधिकारी गंगाबहादुर थापाले जानकारी दिए।

निजामती कर्मचारीको पोशाक, विभिन्न कार्यालयका छाप र दस्तखत भएका पत्र र आकाशचन्द्र परियार उल्लेख भएको प्रशासकीय अधिकृतको रबर छापसहित उनलाई पक्राउ गरेको  थापाले जानकारी दिए।

परियार बसेको होटलको कोठामा गई खानतलासी गर्दा यी सामान र कागजात फेला परेको प्रहरीले बताएको छ।

हुमाकान्त पोखरेल
मंसिर १३,२०७९ गुल्मीः गुल्मीमा समानुपातिकतर्फ राष्ट्रिय स्वतन्त्र पार्टी तेस्रो दल बनेको छ ।

जिल्लाका दुवै प्रतिनिधि सभाको समानुपातिक तर्फको मतगणना सकिदा घण्टी चुनाव चिन्ह भएको स्वतन्त्र पार्टी तेस्रो दल भएको हो । पहिलो एमाले, दोस्रो काँग्रेस, चौथो माओवादी केन्द्र, पाँचौ एकीकृत समाजवादी र छौठौँ दल राष्ट्रिय जनमोर्चा बनेको छ ।

एमालेले क्षेत्र नम्बर १ मा २८ हजार ४५३ र २ मा २५ हजार १३० गरी कुल ५३ हजार ५८३ मत प्राप्त गरेको छ । नेपाली काँग्रेसले क्षेत्र नम्बर १ मा २३ हजार ४१३ र दुईमा १८ हजार ४५१ गरी ४१ हजार ८६४ मत प्राप्त गरेको छ ।

राष्ट्रिय स्वतन्त्र पार्टीले क्षेत्र नम्बर १ मा आठ हजार ११६ र क्षेत्र नम्बर २ मा चार हजार २६३ मत प्राप्त गरेको छ । नेकपा माओवादी केन्द्रले क्षेत्र नम्बर १ मा छ हजार २५० र क्षेत्र नम्बर २ मा पाँच हजार ४३७ गरी कुल ११ हजार ६८७, नेकपा एकीकृत समाजवादीले क्षेत्र नम्बर १ मा २५६ र क्षेत्र नम्बर २ मा दुई हजार ४७० गरी कुल दुई हजार ७२६ र राष्ट्रिय जनमोर्चाले क्षेत्र नम्बर १ मा एक हजार २२४ र दुईमा ५३२ गरी कुल एक हजार ७५६ मत प्राप्त गरेको मुख्य निर्वाचन अधिकृतको कार्यालयले जनाएको छ ।

क्षेत्र नम्बर १ मा कुल एक लाख १९ हजार २२८ मतदाता रहेकोमा ७१ हजार ४५८ मत खसेको थियो । जसमा ६९ हजार ५५७ मत सदर भएको थियो भने एक हजार ९०१ मत बदर भएको थियो । त्यसैगरी क्षेत्र नम्बर २ मा एक लाख चार हजार ३२७ मतदाता रहेकोमा ५८ हजार ३५० मत खसेको थियो । जसमा ५५ हजार ५५० मत सदर भएको थियो भने दुई हजार आठ सय मत भएको निर्वाचन अधिकृतको कार्यालयले जनाएको छ ।

मंसिर १३,२०७९ काठमाडौँ : प्रहरीले हातहतियारसहित एक व्यक्तिलाई ताप्लेजुङको मिक्वाखोलाबाट पक्राउ गरेको छ। नवीनकुमार नाल्बोलाई मिक्वाखोला गापा(४ बाट पक्राउ गरिएको हो। उनीमाथि सहोदर भाइको भरुवा बन्दुकबाट गोली प्रहार गरी हत्या प्रयासको आरोप छ।

नवीनको घरमा खानतलासी गर्दा भरुवा बन्दुक नाल एक थान, उक्त बन्दुकमा प्रयोग हुने गोली ९फलामका छर्रा० ६ वटा, बारुद‚ एउटा खुकुरी र रडको टुक्रा बरामद गरिएको प्रहरीले जनाएको छ।

उनीमाथि फौजदारी मुद्दा अन्तर्गत कर्तव्य ज्यान तथा हातहतियार खरखजाना मुद्दा चलाउने प्रहरीले जनाएको छ।

प्रहरी निरीक्षक सञ्जय बुचाको नेतृत्वको टोलीले उनलाई पक्राउ गरेको थियो। बुचा प्रदेश नं १ को उत्कृष्ट प्रहरीको रूपमा पुरस्कृत अधिकारी हुन्।

बाँके, ११ मंसिर : इस्लाम धर्मालम्वीहरुको प्रमुख तीर्थस्थल साउदी अरेबियाको मक्कामा उम्राका लागि जाने मुस्लिमहरुलाई नेपालगंजबाट औपचारिक रुपमा आज बिदाई गरिएको छ ।

नरैनापुर गाँउपालिका अध्यक्ष इश्तियाक अहमद शाहले उम्राका लागि जाने मुस्लिमहरुलाई नेपालगंज विमानस्थलबाट बिदाई गर्नु भएको थियो । उम्राका लागि जान लागेका तिर्थयात्रीहरुलाई बिदाई गर्दै अध्यक्ष शाहले देशको समृद्धि, शान्ति र एकताका लागि समेत प्राथना गर्न आग्रह गर्नु भएको थियो ।

उम्रा गरेपछि मनोकामना पुरा हुने, मृत्युपछि बैकुण्ठ (जन्नत)मा बास हुने विश्वास गरिन्छ । त्यस्तै हर्ज तथा उम्रामा जानेले परिवारको सुख, शान्ति तथा समृद्धिको मनोकामना समेत गर्ने र त्यो प्राप्त हुने विश्वास रहेको छ ।

संविधान सभा सदस्य हाजी अब्दुल हमिद सिद्धिकि, जामा मस्जिदका पूर्व अध्यक्ष अब्दुल रहमान मिया लगायतका व्यक्तिहरु नेपालगंज बिमान स्थलमा पुगेर बिदाई गर्नु भएको थियो । उहाँहरु साउदीको मक्का र मदिनामा करिव २० दिन उम्रा गर्नुहुनेछ ।

दिवाकर पोख्रेल
देउखुरी, मंङसिर १० : प्रतिनिधिसभा र प्रदेशसभा निर्वाचनमा दाङमा पराजय भोगेको नेकपा एमालेले प्रारभ्भिक चुनावी समिक्षा गर्दै अघि बढ्ने तर पछि नहटने ठहर गरेको छ ।

दाङको घोराहीमा नेकपा एमाले क्षेत्र नम्बर २ ले आयोजना गरेको प्रारारभ्भिक समिक्षामा नेकपा एमालेका महासचिव तथा दाङ प्रतिनिधिसभा क्षेत्र नम्बर २ का उम्मेदवार शंकर पोख्रेलले निर्वाचनको पराजयलाई स्विकार्दै निर्वाचनमा आफ्ले भोगेको पराजयले राजकिय जिम्मेवारीबाट वाहिर बस्ने र राजनीतिक नेतृत्व गर्ने जिम्मेवारीका रुपमा लिएको बताउनुभयो । उहाँले पछि नर्फकेरै अघि बढ्ने बतानुभयो । उहाँले भन्नुभयो, ‘जे भयो भयो, अब म पछि फर्केदैन, सधै राष्ट्रिय राजनीतिलाई सहि दिशामा लग्ने काममा केन्द्रित हुन्छु ।’

यस्तै नेकपा एमाले दाङ क्षेत्र नं १ ले पनि निर्वाचनको प्रारभ्भिक समिक्षा गर्दै राष्ट्रिय स्तरमा देखिएको एमालेको लोकप्रीयतालाई दाङ देउखुरीमा प्रचार प्रसार गर्न नसकेको स्विकार गरेको छ । नेकपा एमालेका पोलिटव्युरो सदस्य तथा दाङ क्षेत्र नम्बर १ मा प्रतिनिधिसभा उम्मेदवार शान्ता चोधरीले आफ्नो पराजयले जनताको काम अझै गर्नुपर्ने शन्देश मिलेको बताउनुभयो ।

उहाँले भन्नुभयो, ‘हामीलाई अझै जनसेवामा लाग्ने प्ररेणा मिलेको छ, जनताको काम गर्दै अब दाङ देउखुरीमा पार्टी सङगठन बलियो पार्ने गरि काम गर्छु ।’ पाँचलिय गठबन्धनका सामु आफुहरु एकल रुपमा निर्वाचनमा सहभागि भएर सम्मानजनक मत प्राप्त गर्न सफल भएको उहाँको ठहर थियो । यस्तै उहाँले आफ्ना प्रतिस्पर्धी सहरी विकास मन्त्री मेटमणि चौधरीले सक्ता र शक्तीको दुरुपयोग गरेको आरोप समेत लगाउनुभयो ।

दाङका प्रतिनिधिसभा तर्फ तीन र प्रदेशसभाका ६ वटा निर्वाचन क्षेत्रमा गठबन्धनका उम्मेदवार विजयी भएका छन् । प्रतिनिधिसभा क्षेत्र न १ मा एकिकृत समाजवादीका नेता सहरी विकास मन्त्री मेटमणी चौधरी प्रदेश १ (१) नेकपा माओवादी केन्द्रका केन्द्रिय सदस्य लुम्विनी प्रदेशका स्वास्थ्य जनसंख्या तथा परिवार कल्याण मन्त्री इन्द्रजित थारु प्रदेश १ (२) नेपाली काँग्रेसका अनुराग खड्का निर्वाचीत हुनुभयो ।

यस्तै दाङ क्षेत्र नम्बर २ मा नेकपा माओवादी केन्द्रका स्थायी समिति सदस्य रेखा शर्मा प्रदेश २ (१) नेपाली काँग्रेसका राजु खनाल २ (२) मा नेपाली काँग्रेसकै प्रचण्ड विक्रम न्यौपाने वीजयी हुनुभएको छ । यसैगरी दाङ क्षेत्र नम्बर ३ मा नेपाली काँग्रेसका दिपक गिरी प्रदेश ३ (१) नेपाली काँग्रेसका डिल्ली चौधरी र ३ (२) नेकपा माओवादी केन्द्रका धनवहादुर मास्की विजयी हुनुभएको छ ।