काठमाडौं : १९ वर्ष मुनीको एशिया कप क्रिकेट आजदेखि श्रीलंकामा सुरु हुँदैछ। प्रतियोगिता अन्तर्गत आजको खेलमा भारत र कुवेत तथा अफगानिस्तान र पाकिस्तानबीच प्रतिष्पर्धा हुनेछ। समूह बी मा रहेको नेपालले भने नेपालले पहिलो खेल आयोजक श्रीलंकासँग भोलि खेल्नेछ। नेपाल रहेको समूह ‘बी’ मा श्रीलंकासहित बंगलादेश र युएई रहेका छन्। समूह ‘ए’ मा भारत, पाकिस्तान, अफगानिस्तान र कुवेत छन्। यो प्रतियोगिताको आठौं संस्करण हो। यसअघि भएका सात संस्करणमा भारतले एकपटक पाकिस्तानसँग संयुक्त उपाधिसहित ६ पटक प्रतियोगिताको उपाधि जितेको छ। सन् २०१७ मा भने अफगानिस्तानले उपाधि जितेको थियो । नेपाल भने अहिलेसम्म प्रतियोगिताको फाइनलमा पुग्न सकेको छैन्।
थाहा खबरबाट
