मंसिर १३, २०७६ काठमाडौं . काठमाडौंमा फोटो स्टुडियो संचालन गर्ने र त्यसैको आडमा नक्कली शैक्षिक प्रमाणपत्र र अन्य कागजात बनाउने गिरोह पक्राउ परेको छ। नेपाल प्रहरीको केन्द्रीय अनुसन्धान ब्यूरोले तीनजनालाई पक्राउ गरेको हो। ओखलढुंगा रानीवन–७ घर भई हाल काठमाडौंको गोंगबुमा श्रेष्ठ फोटो स्टुडियो संचालन गर्ने ३४ वर्षीय सविन कुमार तोलाङगी, चितवन रत्ननगर(१६ पिठुवा घर भई हाल सिनामंगलमा स्टार फोटो स्टुडियो संचालन गरिरहेका ३४ वर्षीय अमृत सुर्खेती र धादिङ नीलकण्ठ नगरपालिका(९ घर भई महाराजगञ्जमा दुवाडी डिजिटल फोटो स्टुडियो संचालन गर्ने २६ वर्षीय मधुसुदन दवाडी पक्राउ परेका हुन्। ब्यूरोका प्रवक्ता प्रहरी उपरीक्षक बेलबहादुर पाण्डेका अनुसार तीनैजनाले मुलुकी अपराध संहिता २०७४ को परिच्छेद २५ बमोजिम लिखतसम्बन्धी कसूरअन्तर्गत दफा २७६ विपरीत कसूर गरेको देखिएको हुँदा सोहीअनुसार मुद्दा अगाडि बढाइनेछ। दफा २७६ ९३ को ग० बमोजिम तीनैजनालाई बढीमा ७ वर्षको कैद र ७० हजारसम्म जरिवाना हुन सक्ने कानुनी व्यवस्था छ।थाहाखबरबाट
