असोज २१, २०७७ काठमाडौं : नेपालमा थप ३ हजार ४३९ जनामा कोरोना पुष्टि भएको छ।
स्वास्थ्य तथा जनसंख्या मन्त्रालयको नियमित मिडिया ब्रिफिङमा प्रवक्ता जागेश्वर गौतमले यसबारे जानकारी दिएका हुन्। योसँगै नेपालमा हालसम्म संक्रमितको कुल संख्या ९४ हजार २५३ पुगेको छ।
योसहित देशभर २५ हजार ७ संक्रिय संक्रमित छन्। गौतमका अनुसार बुधबार ११ सय २६ जनाले कोरोना जितेका छन्। योसहित कोरोना जित्नेको संख्या ६८ हजार ६६८ पुगेको छ। आजको पिसिआर संख्या १४ हजार २०९ रहेको छ।
