भदौ २९,२०७७ स्याङ्जा : जिल्लाको पुतलीबजार नगरपालिका वडा नं ७ ठुलाडिही मोहरिया छापडाँडाबाट एक जना भरूवा बन्दुक सहित पक्राउ परेका छन् । छाँपडाँडा बस्ने भिम बहादुर ठकुरी भरूवा बन्दुक सहित पक्राउ परेका हुन् ।
घरमा हातहतियार लुकाई छिपाई राखेको भन्ने सुचनाको आधारमा जिल्ला प्रहरी कार्यालय स्याङ्जाबाट खटिएको प्रहरीले ठकुरीको घरबाट अबैध भरुवा बन्दुक बरामद गरेको हो । प्रहरीले ठकुरीलाई भरूवा बन्दुक सहित पक्राउ गरेको जिल्ला प्रहरी कार्यालय स्याङ्जा प्रवक्ता एवम् सूचना अधिकारी प्रहरी नायव उपरीक्षक राजेन्द्र प्रसाद अधिकारीले जानकारी दिए ।
ठकुरीको घरबाट १ नाले बन्दुक सहित बस्फोटक पदार्थ र अन्य सामग्री समेत बरामद गरिएको छ । ठकुरीलाई नियन्त्रमा लिई हातहतियार तथा खरखजना सम्बन्धी कसूर मुद्धा दर्ता गरिएको प्रहरीले जनाएको छ ।
उता पुतलीबजार नगरपालिका वडा नं ७ स्थित मोहरिया बस्ने ओम बहादुर हमाल १ नाले भरुवा बन्दुक सहित पक्राउ परेका छन् ।
