चैत २१,२०८२ भद्रपुर : केही महिना पहिले आगजनीबाट क्षतिग्रस्त भएको भद्रपुर नगरपालिकाका उपप्रमुख राधा कार्कीको घर भत्काउने क्रममा घरको छतबाट लडेर एकजनाको मृत्यु भएको छ भने अर्का घाइते भएका छन् ।
भद्रपुर ६ संगम चोकमा रहेको उपमेयर कार्कीको दुई तले पक्की घर भत्काउने क्रममा घरको बिम लड्दा दुई जना छतबाट लडेर घाइते भएका थिए। घाइतेमध्ये भद्रपुर –५ राजन चोक बस्ने वर्ष ३४ ओपेन राजवंशीलाई ओमसाईमा अस्पतालमा उपचारको लागि पुर्याउनासाथ चिकित्सकले मृत घोषणा गरेका थिए ।
सोही घटनाका अर्का घाइते भद्रपुर वडा नम्बर ५ पोखरीटोल बस्ने वर्ष ३५ का धर्मेन्द्र यादवको प्रादेशिक अस्पताल भद्रपुरमा उपचार भइरहेकोमा थप उपचारका लागि ओमसाइ पाथिभरा अस्पताल रेफर गरिएको छ । घटनाबारे अनुसन्धान भइरहेको जिल्ला प्रहरी कार्यालय झापाले जनाएको छ ।
