साउन १३,२०७७ गुल्मी : गुल्मीमा पहिरोले सामग्री लिएर चन्द्रकोट जाँदै गरेको ट्रक बगाएको छ ।
जिल्लाको चन्द्रकोट गाउँपालिकाको वडा नम्बर–७ खसिमारे भन्ने स्थानमा ना ६ ख ७७९२ नम्बरको ट्रक पहिरोले बगाएको जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्तले जानकारी दिए ।
बुटवलबाट सिमेन्ट, ग्यास, छड र फेन्सि सामानहरु लिएर शान्तिपुर जाँदै गरेको ट्रक बाटोमा हिलोमा फसेको समयमा माथीबाट झरेको पहिरोले बगाएर १ किलोमिटर तल लगेको प्रहरीले जनाएको छ । पहिरोले ट्रक बगाउदा सामान र गाडीमा क्षती भएको छ ।
सोमबार साँझ हिलो बाटोमा फसिएको ट्रक माथि बाट पहिरो आई राति करिब एक बजे पहिरोले बगाएको प्रहरीले जनाएको छ । के कति क्षती भयो भन्ने बारेमा क्षतिको बिबरण संकलनको कार्य भइरहेको पन्तले बताए ।
गुल्मीमा पहिरोका कारण ग्रामीण स्तरका दर्जनौ सडकहरु अबरुद्ध भएका छन् ।
