पुस १,२०८० गुल्मी गुल्मीमा बोका चोर्ने २ जनालाई प्रहरीले पक्राउ गरेको छ ।
जिल्लाको रेसुङ्गा नगरपालिका वडा नम्बर ५ का ५२ वर्षीय बिष्णुकुमारी जोगीको खोरबाट २२ किलोको बोका चोर्ने २ जनालाई पक्राउ गरिएको जिल्ला प्रहरी कार्यालय गुल्मीले जनाएको छ ।
पक्राउ पर्नेमा वडा नम्वर ७ का २३ वर्षीय विरेन्द्र परियार र अर्का एक जनाको नाम गोप्य राखिएको प्रहरीले जनाएको छ । उनीहरुले चोरी गरेको बोकालाई काटेर केही खाएको र केही बिक्री गरेको उनीहरुले प्रहरीलाई जनाएको प्रहरी नायव उपरीक्षक डिल्लीनारायण पाण्डेले जानकारी दिए ।
पक्राउ परेका २ जनालाई जिल्ला अदालत गुल्मीबाट म्याद थप गरी थप अनुसन्धान जारी रहेको जिल्ला प्रहरी कार्यालय गुल्मीले जनाएको छ ।
