असोज ११,२०८० गुल्मी :भेटेरिनरी अस्पताल तथा पशुसेवा विज्ञ केन्द्र गुल्मीले चालु आर्थिक वर्षका कर्यक्रम सार्वजनिक गरेको छ ।
कार्यालयले एक कार्यक्रमका बीच आर्थिक वर्ष २०८०।०८१ मा कार्यालयबाट संचालन हुने कार्यक्रम सार्वजनिक गरेको हो । कार्यालयका प्रमुख हुमकान्त पाण्डेयले यस आर्थिक वर्षमा चार करोड ९६ लाख ५८ हजार रुपियाँको कार्यक्रम सार्वजनिक गरेका थिए ।
कार्यक्रममा खाद्य तथा पोषण सुरक्षा ,स्मार्ट कृषि गाउँ ,मत्स्य विकास तथा प्रवद्र्धन ,पशुपन्छी स्रोत प्रविधि सेवा,पशुस्वास्थ्य नियमन र पशुसेवा विभाग सशर्त अनुदान जस्ता कार्यक्रमहरु रहेको पाण्डेयले जानकारी दिए ।
कार्यक्रमका प्रमुख अतिथि लुम्बिनी प्रदेशसभा सदस्य डिल्लीराज भुसालले कार्यालयको कार्यक्रम र थप बजेटको ब्यबस्था गर्न आफूले पहल गर्ने बताए ।
कार्यक्रममा जिल्ला समन्वय समिति गुल्मीका प्रमुख दोर्ण खत्री, रेसुंगा नगरपालिकाका नगरप्रमुख खिलध्वज पन्थी, अन्य स्थानीय तहका अध्यक्ष तथा उपाध्यक्षहरु, स्थानीय तहका पशुसेवा शाखाका प्रमुख तथा प्रतिनिधिहरु, कृषक तथा सरोकारवालाहरुको उपस्थिति रहेको थियो ।
