साउन २६,२०८० गुल्मीः गुल्मीमा साउन ९ गते देखी हराएका एक पुरुष मृत फेला परेका छन् ।
जिल्लाको मदाने गाउँपालिका वडा नम्वर ३ सिर्सेनीका ३२ वर्षीय डिल्लीराज अर्याल सिम्लेको खोलामा मृत फेला परेको जिल्ला प्रहरी कार्यालय गुल्मीले जनाएको छ ।
शवलाई टाढाबाट खोलामा देखेपछि स्थानीयले प्रहरीलाई खबर गरेका थिए । शवलाई खोलाबाट निकाली गुल्मी अस्पतालमा पोष्टमार्टमका लागि ल्याइएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।
शव पुरै सडेको अवस्थामा भएको र घटनाको बारेमा थप अनुसन्धान जारी रहेको पाण्डेले बताए । शबलाई पोष्टमार्टम गरी परिवारको जिम्मा लगाइएकोे पाण्डेले बताए ।
