रेसुङ्गा नगरपालिकाले एक वर्षमा गुल्मीबाट नियमित हवाई सेवा, गुल्मी अस्पतालमा हाडजोर्नी तथा नशा रोग बिशेषज्ञ डाक्टरको व्यवस्थान, जिल्ला सदरमुकाम तम्घासमा कालोपत्रे सुरु, गुल्मी अस्पतालमा मृगौला डायलाइसिस मेसिन हस्तान्तरण, मझेङ्ग खानेपानी निर्माणको अन्तिम चरणमा, सालझण्डी पटौटी तम्घास सडकको तिव्र निर्माण र सडक बालबालिकाको व्यवस्थापनमा पहल गरेको नगरप्रमुखले बताएका थिए ।
त्यसै गरि चिदिचौर व्यवस्थापन, लोकसेवा कक्षा संचालन, माध्यमिक शिक्षा परिक्षामा ए प्लस ल्याउनेलाई मासिक चार हजार व्यवस्था, रेसुङ्गा बहुमुखी क्याम्पसलाई एक करोड सहयोग, रेसुङ्गा क्षेत्रको प्रचारप्रसार लगायतका थुप्रै काम गरेको पत्रकार सम्मेलनमा जानकारी गराइएको थियो ।
एक वर्षको छोटो समय अवधिमा रेसुङ्गा नगरपालिकाले गरेका कामहरुको सम्बन्धमा पत्रकारहरुले नगरप्रमुखको प्रशंसा गरेका थिए । केही कुराहरुमा सल्लाह तथा सुझाव पनि पत्रकारहरुले पेश गरेका थिए ।
नगरपालिकाका प्रमुख खिलध्वज पन्थीले एक वर्षको समयलाई फर्केर हेर्दा समुन्नत गुल्मीको यात्रामा तिव्रताका साथ अगाडि बढेको बताउनुभयो । पहिलो वर्षमा विकासका धेरै आयामहरु परिवर्तन गर्न सकेकोमा आगामी चार वर्षमा नगरपालिकालाई समुन्नत बनाउन आफुहरु प्रतिबद्ध रहेको पनि बताउनुभएको थियो ।
यस्तै जिल्लाको छत्रकोट गाउँपालिकाले पनि पत्रकार सम्मेलन मार्फत आफ्नो एक वर्षको कार्यकालमा पालिका भित्र भएका सवै क्षेत्रको गतिविधिहरुको सर्वजनिक गरेको छ ।
