जेठ ८,२०८० गुल्मी : गुल्मीको हिमालय माध्यमिक विद्यालयमा विद्यालय व्यवस्थापन समितिको अध्यक्षमा चुराबहादुर खत्री निर्वाचित हुनुभएको छ । जिल्लाको इस्मा गाउँपालिका–१ हस्तिचौरमा रहेको हिमालय माध्यमिक विद्यालयको विद्यालय व्यवस्थापन समितिको अध्यक्षामा खत्री सर्वसम्मत निर्वाचित हुनुभएको हो ।
इस्मा गाउँपालिका–१ का पूर्वअध्यक्ष समेत रहनुभएका चुरा बहादुर खत्री समाजसेवामा क्रियाशील हुनुहुन्छ । उहाँ विद्यालय व्यवस्थापन समितिको अध्यक्षमा निर्वाचित भएपछि विद्यालयको शैक्षिक सुधारमा लाग्ने बताउनुभयो ।
साथै खत्रीले विद्यालयमा अध्ययनरत गरिब, जेहेन्दार र छात्रा विद्यार्थीलाई छात्रवृत्ति प्रदान गर्नकाे लागि अक्षयकोष स्थापना गर्नुभएको छ । उहाँले १५ हजार राशिको अक्षयकोष स्थापना गर्नुभएको हो ।
खत्रीले हिमालय माविले २०७३ माघ २५ गतेदेखि सुरु भएको महायज्ञमा पहिलो सहयोग दाताको रुपमा नगद रु एक लाख पाँच हजार पाँच सय रुपैयाँ सहयोग गर्नुभएको थियो ।
हिमालय माध्यमिक विद्यालयमा कृषि धार तर्फ प्राविधिक बिषय पनि अध्ययन अध्यापन गराउने एक विद्यालय हो । विद्यालयको भौतिक, शैक्षिक तथा व्यवस्थापकीय पक्षमा आफु गम्भीर भएर लाग्ने विद्यालय व्यवस्थापन समितिको अध्यक्षमा निर्वाचित चुरा बहादुरखत्रीले प्रतिबद्धता ब्यक्त गर्नुभयो ।
