बैशाख १४,२०८० गुल्मीः गुल्मीमा गएराती जीप दुर्घटना हुँदा एक जनाको मृत्यु भएको छ ।
जिल्लाको मालिका गाउँपालिका दर्लिङ देखी बाग्लुङको भिमगिठे तर्फ जाँदै गरेको लु १ च ९९११ नम्वरको जीप वडा नं २ खल्टिखोलामा दुर्घटना हुँदा सोही स्थानका सहचालक १८ वर्षीय किशोर केशीको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।
सोही जीपका चालक २१ वर्षीय प्रेमबहादुर केशीको ढाडमा चोट लागेकाले लुम्बिनी मेडिकल कलेज पाल्पामा उपचारका लागि पठाइएको पाण्डेले बताए ।
जीप सडक देखी करिब १५० मिटर तल खसेको र घटनाको बारेमा अनुसन्धान भइरहेको जिल्ला प्रहरी कार्यालय गुल्मीले जनाएको छ ।
