असोज ९,२०७९ गुल्मीःगुल्मीमा घरपालुवा पशुपन्छीहरुको निशुल्क स्वास्थ्य शिविरबाट करिब दुई सय घरका पशुपन्छीहरुलाई उपचार तथा औषधि वितरण गरिएको छ ।
पशुपन्छीहरुको स्वास्थ्य तथा बाँझोपन निवारणका लागि छत्रकोट गाउँपालिकाको वडा नम्वर ६ दौघामा उक्त शिविर संचालन गरिएको भेटेरिनरी अस्पताल तथा पशु सेवा बिज्ञ केन्द्र गुल्मीका प्रमुख डाक्टर भरत काफलेले जानकारी दिए ।
पशुपालक कृषकहरुका लागि घरदैलोमै सेवा प्रवाह गर्नका लागि शिविर नै संचालन गरिएको उनको दाबी छ ।
घरपालुवा पशुपन्छीहरुको स्वास्थ्यमा देखिएका समस्याहरुलाई निराकरण गरी निशुल्क रुपमा औषधि प्रदान र परामर्श सेवा समेत प्रदान गरिएको हो ।
कार्यालयले कृर्षकहरुको घरदैलोमानै गई सेवा प्रवाह गर्ने कार्यलाई आवश्यकता र मागको आधारमा निरन्तरता दिँदै जाने काफलेको भनाई छ ।
