भदौ २४,२०७९ गुल्मी : गुल्मीमा भोली शनिवार २५ गते बिद्युत सेवा अवरुद्ध हुने भएको छ ।
नेपाल बिद्युत प्राधिकरण वितरण केन्द्र गुल्मीले आज एक सूचना जारी गर्दै शनिवार बीरवास स्थित ३३ र ११ केभी सवस्टेशनमा रहेका ११ केभी ब्रकरहरुको मर्मत संभार गर्नुपर्ने भएकाले बिद्युत सेवा अवरुद्ध हुने केन्द्र प्रमुख इश्वरकुमार श्रेष्ठद्धारा जारी सूचनामा उल्लेख गरिएको छ ।
सोही अनुसार ११ केभी सवस्टेशनका फिडरहरु बलिथुम,मजुवा,हुँगाबाट वितरण भएका क्षेत्रहरु चन्द्रकोट, छत्रकोट,गुल्मीदरबार,इश्माको हस्तिचौर, मुसिकोटको वामी र रेसुंगा नगरपालिकाको भाडगाँउ,उर्लेनी र भगेरीका क्षेत्रहरुमा बिहान साढे ८ बजेदेखि साँझ ५ बजेसम्म बिद्युत सेवा अवरुद्ध हुने वितरण केन्द्र गुल्मीले जनाएको छ ।
तोकिएको समय अगावै काम सम्पन्न भएमा लाईन सुचारु गर्न सकिने वितरण केन्द्र गुल्मीले जारी गरेको सूचनामा उल्लेख गरिएको छ ।
