हुमाकान्त पोखरेल
भदौ १६,०७९ गुल्मी :गुल्मीको धुर्कोट गाउँपालिका –५ वस्तुमा झोलुङ्गे पुलको शिलन्यास गरिएको छ ।
वस्तु विचित्र गुफा नजिकैदेखि राङदल फेदीसम्म जोड्ने ३७० मिटर लामो पुलको बुधबार गाउँपालिका अध्यक्ष भुपाल पोखरेलले शिलन्यास गर्नुभएको हो । कुल एक करोड ९० लाखमा बन्ने पुल आगामी चैतसम्म निर्माण सम्पन्न हुनेछ ।
पुल निर्माण भएपछि विचित्र गुफासम्म पुग्न, हिमालय माविमा विद्यार्थीहरु अध्ययनको लागि जान एवम् किसानहरुलाई घाँस–दाउरा गर्न सहज हुने विचित्र गुफा संरक्षण समितिका अध्यक्ष युवराज भण्डारीले जानकारी दिनुभयो ।
कार्यक्रमलाई सम्बोधन गर्दै अध्यक्ष पोखरेलले समयमै काम गर्न सम्बन्धित निर्माण व्यवसायीलाई निर्देशन दिनुभयो । कार्यक्रममा गाउँपालिकाका उपाध्यक्ष सीता गिरी, प्रमुख प्रशासकीय अधिकृत ज्ञानुराम पन्थी, वस्तुका वडाध्यक्ष ढुन्डीराज भण्डारी लगायतको उपस्थिति रहेको थियो ।
