भदौ १५,२०७९ :दाङमा चट्याङ लागेर दुई जनाको मृत्यु भएको छ।
घोराही उपमहानगरपालिका १२ मा चट्याङ लागेर दुई महिलाको मृत्यु भएको जिल्ला प्रहरी कार्यालय दाङका डिएसपी राजन गौतमले जानकारी दिनुभयो।
उहाँका अनुसार चट्याङ लागेर अन्य १२ जना घाइते भएका छन्। घाइतेमध्ये दुई जनाको अवस्था चिन्ताजनक रहेको डिएसपी गौतमले बताउनुभयो।
मृत्यु हुनेहरुको नाम खुलिसकेको छैन । घटनाबारे आज बिहान मात्रै खबर आएकोले घटना कतिबेला भएको भन्ने थाहा हुन नसकेको उहाँको भनाइ छ।
