साउन २४ ,२०७९म्याग्दी : म्याग्दीमा भैँसीले दुईवटा टाउको भएको अनौठो पाडो जन्माएको छ।
बेनी नगरपालिका–५ डडुवाका किसान होमबहादुर खत्री ‘राजु’ ले पालेको भैँसीले मंगलवार दुई वटा टाउको भएको पाडो जन्माएको हो।
गाउँका अगुवा किसान खत्रीका अनुसार भैँसी सहजै नब्याउन नसकेपछि उनको प्रयासमा एउटै शरीर तर टाउका दुई वटा भएको पाडो जन्मिएको जानकारी दिए।
उनले भने, ‘पाडोका दुईवटा टाउकोसँगै दुई मुख र चार आँखा स्पष्ट छुट्टिएका छन्। दुई टाउका भएको पाडो जन्माए पनि पाडो भने बाँचेन।’
यता भेटेरिनरी अस्पताल तथा पशु सेवा विज्ञ केन्द्रका पशु प्राविधिक सुवास रेग्मीले जिन (वंशाणु) को समस्या भएको बताउँदै यस्तो अवस्थामा सावधानी अपनाउनुपर्ने बताए।
