नरपानीमा जीप दुर्घटना हुँदा तीन जनाको मृत्यु, ६ जना घाइते (सम्पूर्ण विवरण सहित)

गुल्मी असोज २० । अर्घाखाँची जिल्ला सन्धिखर्क नगरपालिका वार्ड ६ को रातामाटा (साविक नरपानी ७)मा स्कार्पियो जीप दुर्घटना भएको छ । दुर्घटना तीन जनाको घटनास्थलमै मृत्यु भएको छ । ६ जना घाइते भएका छन् । मृत्यु हुनेमा २ पुरूष र १ महिला रहेका छन् । दशै मनाउन कपिलवस्तुकाे कृष्णनगरबाट ठाडा हुँदै सन्धिखर्क आउँदै गरेको लंका यातायात प्रालिको लु.१ ज. ४३२९ नम्बरको स्कार्पियो जीप नरपानी र घुम्ती बिचमा पर्ने रातामाटा स्थित साङ्खोलामा दिउसो १२ बजे दुर्घटना भएको हो । घाईतेकाे उद्वारपछि जिल्ला अस्पतला अर्घाखाँचीमा उपचार भईरहेकाे छ । मृत्‍यु हुनेहरुको पहिचान खुल्न सकेको छैन् । जीप अन्दाजी ५ सय मिटर तल खसेको छ । जीप पूर्ण रुपमा क्षति भएको छ । दुर्घटनाको कारण खुल्न सकेको छैन् ।