असोज ८, २०७७ बागलुङ : बिगत तीन दिन देखि निरन्तरको वर्षाले गोठ भत्किँदा बागलुङको काठेखोला गाउँपालिका वडानम्बर २ भिमा पोखरामा एकजना सम्पर्कविहीन भएका छन्।
गोठमाथिबाट पहिरो खस्दा भिमापोखराका टेक बहादुर खाती सम्पर्कविहीन भएको जिल्ला प्रहरी कार्यालय बागलुङका प्रहरी नायव उपरिक्षक राजेन्द्र रेग्मीले जानकारी दिए।
घटनास्थलमा उद्धारका लागि अछेते प्रहरी चौकीबाट प्रहरी पुगिसकेको र थप उद्धारका लागि प्रहरी निरीक्षक दिपक रिजाल नेतृत्वको टोली घटनास्थलतर्फ लागेको रेग्मीले बताए।
