गुल्मी, भदौ २५ । नेकपा एकिकृत समाजवादी गुल्मी जिल्ला पार्टीको अध्यक्षमा पुनः संस्थापक अध्यक्षलाई नै शनिवारको बैठकले अध्यक्षमा सर्वसम्मत चयन गरेको छ ।
संस्थापक अध्यक्ष श्रीराम महत बुटवलमा गएको बेला अध्यक्ष बनाईएका नरेश भण्डारी केहि दिन अघि नेकपा एमालेमा फर्किएका थिए । अन्ततः शनिबार सदरमुकाम तमघासमा बसेको सो पार्टीको बिस्तारित बैठकले महतलाई नै पार्टी अध्यक्षमा चयन गरेको हो ।
उनले एकिकृत समाजवादी पार्टीलाई एक ढिक्का बनाएर अगाडी बढ्ने प्रतिबद्धता जनाए । त्यस्तै वामदेव गौतम नेतृत्वको नेकपा एकता अभियानका केन्द्रिय सदस्य प्रमेश पोखरेलाई गुल्मी जिल्लाको ईन्चार्जको जिम्मेवारी दिनका लागि केन्द्रमा सिफारिस गरिएको जनाईएको छ ।
सह–ईन्र्चाज भने गणेश बिश्वकर्मा नै रहेका छन् । पार्टी उपाध्यक्ष राम मल्ल ठकुरीका अनुसार शनिबार नेकपा एमाले परित्याग गरी ३१ जना कार्यकर्ता एकिकृत समाजवादीमा प्रवशे गरेका छन् ।
बैठकलाई सम्बोधन गर्दै प्रमुख अतिथी सो पार्टीका लुम्बिनी प्रदेश ईन्चार्ज भागवत बिश्वासले आफ्नो पार्टी गठनको एक बर्ष नपुग्दै देश ब्यापी जनलहर बढेको बताउँदै कार्यकर्ताहरुलाई कत्ति बिचलित नभई अगाढी बढ्न निर्देशन दिएका थिए । बैठकलाई पार्टी सचिव तथा पुर्वमन्त्री रामकुमारी झाँक्रीले पनि सम्बोधन गरेकी थिईन् ।
