दिवाकर पोख्रेल
भदौ १७,२०७९ देउखुरी : लुम्बिनी प्रदेशका मुख्यमन्त्री कुलप्रसाद केसीले प्रदेशको राजधानी राप्ती उपत्यका देउखुरीमा शुरु भएको जग्गा एकिकण काम छ महनिाभित्र सक्ने बताउनुभएको छ ।
दाङको राप्ती गाउँपालिकामा कृषि विकास बैंक लिमिटेडको नयाँ शाखा उद्घाटन गर्दै मुख्यमन्त्री केसीले आफ्नो कार्यकालमा नेपालकै नमुना शहर बनाउने रूप रेखा तयार पार्ने त्यसको लागि आवश्यक पर्ने जग्गा एकिकण काम सम्पन्न गर्ने बताउनुभयो । उहाँले भन्नुभयो,‘ समय छोटो भए पनि हामी काम दु्रतगतिमा गर्छौ, प्रदेशसभा भवन सम्पन्न भएको छ, राजधानीका लागि आवश्यक पर्ने कामहरु भइरहेका छन् । ’
यसै बीच मुख्यमन्त्री केसीले स्थायी राजधानी क्षेत्रको जग्गा रोक्का भएको मौका छोपी केही निजी बैंकहरूले ऋणीहरूको जग्गा लिलामी प्रक्रियामा लगेकाले त्यस्तो कार्य बन्दगर्न सम्बन्धित बैंकहरूलाई निर्देशन समेत दिनुभएको छ । उहाँले यसरी लिलामी प्रक्रिया बन्द नगरे प्रदेश सरकारले सक्रियता देखाउने चेतावनी समेत दिनुभयो ।
बैंक उद्घाटन कार्यक्रममा प्रमुख अतिथि केसीले बैंकले नागरिककलाई सर्वसुलभ तरिकाले सेवादिन सुझाव दिनुभयो । राप्ती उपत्यका देउखुरीमा रहेको १४ वटा वडा वडालाई बैंकिङ क्षेत्रको रूपमा विकास गर्ने बाउनुभयो । त्यसकालागि १४ वटै वडाले बैंक खाता समेत यसै बैंकबाट सञ्चालनगर्न सुझाव दिनुभयो ।
कृर्षि विकास बेंकले आफ्नो २८२ औं शाखाको रूपमा दाङको राप्ती गाउँपालिका वडा नम्बर ४ मौरीघाटमा शाखा विस्तार गरेको छ । बैंकका प्रदेश कार्यालय दाङका निर्देशक गिरीराज रेग्मीको अध्यक्षता एवम् लुम्बिनी प्रदेशका मुख्यमन्त्री कुलप्रसाद केसीको प्रमुख आतिथ्यतामा भएको कार्यक्रममा कृषि विकास बैंकका पूर्व अध्यक्ष बामदेव घिमिरे क्षेत्री, प्रदेश पुर्वधार विकास प्राधिकरणका प्रमुख कार्यकारी अधिकृत छविराज पोख्रेल, कृषिविकास बैंक केन्द्रीय कार्यालयका निमित्त प्रमुख प्रताव सुवेदी, अर्थ तथा सहकारी मन्त्रालयका सचिव प्रेमप्रसाद आचार्य, राप्ती गाउँपालिकाका अध्यक्षप्रकाश विष्ट, उपाध्यक्ष कमलापती चौधरी, पुर्व गाउँपालिका अध्यक्ष नुमानन्द सुवेदी, वडा नम्बर ४ का वडा अध्यक्ष विरबहादुर चौधरी लगायतका वक्ताहरूले शुभकामना मन्तव्य व्यक्त गर्नुभएको थियो ।
