मंसिर३,२०७८काठमाडौं : नेपाल प्रहरीका आठजना डीएसपी एसपीमा बढुवाका लागि सिफारिस भएका छन्।
प्रहरी प्रधान कार्यालयमा बिहीवार बसेको बढुवा समितिको बैठकले यसअघि दुई पटकसम्म बढुवामा छुटेका अर्जुनप्रसाद तिमिल्सीनासहित अन्य आठको बढुवा गरेको हो।
एकैपटक भर्ना भएका अन्यको बढुवा भएपनि शक्ति केन्द्रमा पहुँच नपुग्दा बढुवा हुनबाट छुटेका थिए।
बढुवा सिफारिस हुनेहरुमा डीएसपीहरु जनकबहादुर शाही, रामेश्वर कार्की, चक्रराज जोशी, अर्जुनप्रसाद तिमिल्सीना, रामहरि पाण्डे, लक्ष्मीराज अधिकारी, रमेश पण्डित र अर्जुन रानाभाट रहेका छन्।
