नारायणगढ मुग्लिन सडकखण्ड अवरुद्ध

0
41
फाइल फोटो

भदौ ३०, २०७७ चितवन : नारायणगढ–मुग्लिन सडकखण्ड अवरुद्ध भएको छ।
इच्छाकामना गाउँपालिका–६ स्थित चोरखोलामा सोमबार राति साढे १० बजे पुनः पहिरो खसेपछि सडक अवरुद्ध बनेको हो।
सोमबार दिउँसो सोही ठाउँमा गएको पहिरो पन्छाएर साँझ एकतर्फी सडक सञ्चालनमा ल्याइएको थियो। पुनः पहिरो खसेपछि दुइतर्फी नै सडक अवरुद्ध बनेको छ। पानी परिरहेकाले पहिरो पन्छाउने काम शुरु गर्न नसकिएको जिल्ला प्रहरी कार्यालय, चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए।
यस्तै, सडकखण्डअन्तर्गत भरतपुर महानरगपालिका–१ भतेरीमा पनि सालको रुख ढलेर सडक अवरुद्ध भएको जिल्ला प्रहरी कार्यालय चितवनले जानकारी दिएको छ।

SHARE